Каспий теңізі өңіріндегі климаттың өзгеруіне қатысты конференция

2021 жылғы 27-28 қазанда Каспий теңізінің гидрометеорологиясы және ластану мониторингі жөніндегі үйлестіру комитеті (КАСПКОМ) мен Каспий теңізінің теңіз ортасын қорғау жөніндегі негіздемелік конвенцияның (Тегеран конвенциясы) уақытша хатшылығы шеңберінде ұйымдастырылып жатқан Каспий теңізі өңіріндегі климаттың өзгеруі жөніндегі онлайн ғылыми конференция басталады.

Конференцияның мақсаты - Каспий теңізі өңіріндегі климаттың өзгеруі және оның салдары туралы соңғы деректер мен тұжырымдарды талқылау болып табылады. Кездесу шеңберінде климаттың өзгеруі жөніндегі білім мен зерттеулердегі негізгі олқылықтарды анықтау, мүдделі тараптардың Каспий теңізі өңіріндегі климаттың өзгеруі туралы жалпы хабардар болуына жәрдемдесу және Каспий теңізі мен оның бассейні жағалауының экономикасы, халқы мен табиғи ресурстары үшін климаттың өзгеруінің болжамды салдары мәселелері талқыланатын болады.

Конференция үшін мынадай төрт тақырып таңдалды:

— Каспий теңізі өңірінің климатын және XXI ғасырдағы оның өзгерістерін зерттеу;

— Каспий теңізі деңгейінің өзгеруі: талдау, модельдеу және ұзақ мерзімді болжамдар;

— Климаттың өзгеруінің Каспий теңізінің экожүйесіне және биоәртүрлілігіне әсері;

— Каспий теңізі аймағындағы климаттың өзгеруіне бейімделу.

Аталмыш конференцияның қорытындылары БАҚ-та жарияланатын болады.

• 26.10.2021
• 180