Құрметті шығысқазақстандықтар!

Сіздерді Қазақстан Республикасы Конституциясының 25 жылдық мерейтойымен шын жүректен құттықтаймын!

         30 тамыз – егемен, жаңа Қазақстан тарихындағы айтулы күн. Осыдан тура 25 жыл бұрын жалпыхалықтық референдум арқылы мемлекеттің негізгі заңы қабылданды, ол елдегі саяси тұрақтылықтың, демократиялық дамудың және азаматтарымыздың лайықты болашағының кепіліне, құқықтық жүйенің сенімді өзегіне айналды.

         Ата заңымызда тұрғындардың әл-ауқатын қамтамасыз етуге, бірлік пен тұрақтылықты нығайтуға бағытталған мемлекеттік бағдарламаларды тиімді іске асыруға мүмкіндік беретін елдің үдемелі дамуының басты қағидаттары бекітілген.

         Осы айтулы күні Сіздерге және отбасыларыңызға зор денсаулық, амандық, береке-бірлік пен татулық тілеймін!

Ортақ Отанымыз – Қазақ елі өсіп-өркендеп, гүлдене берсін!

Даниал Ахметов,

Шығыс Қазақстан облысының әкімі

• 28.08.2020
• 336