2021 жылдың қараша айының 1-ші онкүндігіне қысқаша агрометеорологиялық шолу

Қазақстанның оңтүстігі мен оңтүстік-шығысының күздік дәнді дақылдар себілетін аудандарында ауа райы әдеттегіден салқындау болған (ауа температурасының аномалиясы минус 4-8°С құраған), жауын-шашын 1-ден 8 мм дейін, таулы аудандарда 1-3 күн бойы 9-17 мм дейін, бұл орташа көп жылдық мәндерден төмен және түнгі уақытта минус 13-18°С дейінгі аязбен, таулы және тау бөктеріндегі аймақтарда минус 21-24°С жеткен.

Жамбыл облысында егін жұмыстары жалғасып жатқан бақылау учаскелерінде күздік бидайдың жағдайы тегіс өте жақсы және жақсы. Өсімдіктердің даму кезеңі «көктеу», Қордай станцияларының маңайындағы жеке учаскелерде «3-ші жапырақ». Алматы облысының Ұйғыр, Сарқан, Ескелді және Жамбыл аудандарында өсімдіктердің вегетациясының тоқтауы, онда түнгі ауа температураның минус 15-25°С дейін төмендеуі байқалған, бұл қар жамылғысы болмаған жағдайда күздік бидай егістігінің зақымдануына әкеліуі мүмкін.

Шығыс Қазақстан облысының Георгиевка және Саратовка агропосттарының маңайындағы күнбағыс бақыланатын учаскелерде астық жинау жұмыстары аяқталды.

Түркістан облысының мақта егістіктерінің жағдайы тегіс өте жақсы, алайда ауа температурасының минус 6-7°С дейін төмендеуіне байланысты өсімдіктер вегетациясының тоқтауы байқалған.

2021 жылдың қараша айының 1-ші онкүндігіне арналған агрометеорологиялық шолумен, толығырақ келесі сілтеме арқылы өтіп, таныса аласыз: https://www.kazhydromet.kz/ru/agrometeorology/kratkiy-obzor-agrometeorologicheskih-usloviy

• 15.11.2021
• 224