ПРЕСС-АНОНС

2021 жылғы 16 қарашада сағат 11.00-де Нұр-Сұлтан қаласының әл-Фараби атындағы Оқушылар сарайында (Б.Момышұлы даңғылы, 5) «Мың бала» республикалық мәдени-ағартушылық жобасын қорытындылауға арналған іс-шара өтеді.

Аталған іс-шараға ҚР Парламенті Мәжілісінің депутаттары, ҚХА мүшелері, шығармашыл және ғылыми зиялы қауым, жоба жеңімпаздары, мемлекеттік тілді оқыту әдіскерлері, жастар ұйымдарының белсенділері мен мүшелері, блогерлер және БАҚ өкілдері қатысады.

Қазақстан халқы Ассамблеясының «Мың бала» республикалық мәдени-ағартушылық жобасының мақсаты – түрлі этностық топтардың мектеп жасына дейінгі балалары мен мектеп оқушыларын, жастарын мемлекеттік тілді оқыту процесінде қазақ халқының ұлттық рухани құндылықтарына (мәдениетіне, салт-дәстүрлеріне, әдет-ғұрыптарына) баулу арқылы қазақстандық бірегейлік пен бірлікті дамытуға үлес қосу.

Жас жеңімпаздарды және үздік әдіскерлерді ынталандыру мақсатында оларға Қазақстан халқы Ассамблеясының Алғыс хаттары мен дипломдары және бағалы сыйлықтар тапсырылады.

Ақпарат үшін: «Мың бала» жобасы 2015 жылдан бастап жыл сайын өткізіледі. Жоба түрлі этностардың балалары мен жастарының мемлекеттік тілді үйренуге деген қызығушылығын арттыруға, мемлекеттік тілдің қолданылу аясын кеңейтуге және оның қоғамдық рөлін арттыруға, балалар мен жастар арасында мемлекеттік тілді үйренуді насихаттайтын волонтерлер санын ұлғайтуға ықпал етеді.

«Мың бала» жобасының бағдарламасы халықаралық тәжірибені ескере отырып әзірленген, бұл барлық қатысушыларға шығармашылық жобалар мен байқауларға қатысу, мемлекеттік тілде фильмдер көру және т.б. іс-шаралар арқылы мәдени және тілдік ортаға толықтай кірігуге мүмкіндік береді.

• 15.11.2021
• 226