Қазақстанда жер қойнауын пайдалану құқығын беруге арналған үшінші электрондық аукцион өтеді

2021 жылғы 19 қарашада сағат 10:00-де электрондық аукциондар операторының сайтында: www.gosreestr.kz жер қойнауын пайдалану құқығын беруге арналған үшінші электрондық аукцион өтеді.

Бұған дейін 25 жер қойнауы учаскесі бойынша екі электрондық аукцион 2020 жылдың соңында және 2021 жылдың басында сәтті өткізілген болатын.

2021 жылғы 18 тамызда электрондық аукционға шығарылған 22 учаскенің 14 учаскесі бойынша аукцион 19 қарашада өткізілетін болады, ал қалған 8 учаске бойынша «Жер қойнауы және жер қойнауын пайдалану туралы» Қазақстан Республикасы Кодексінің 99-бабының 1-тармағына сәйкес қатысушылардың ең аз санының болмауына байланысты жер қойнауын пайдалану құқығын беру аукционы өткізілмейді.

Электрондық аукционды өткізу электрондық нысанда аукциондарды өткізудің ашық және түсінікті тетігін құруға, сондай-ақ озық цифрлық технологияларды енгізуге және қазақстандық компаниялармен қатар шетелдік компанияларды да аукционға қатыстыруға және жаңа жұмыс орындарын құруға мүмкіндік береді.

Аукционның барысын кез келген адам бақылай алады. Бұл үшін Оператор, яғни «Ақпараттық-есептеу орталығы» АҚ, жеке ашық аукцион залын құратын болады.

ҚР Энергетика министрлігінің Facebook-аккаунтындағы онлайн-трансляция кезінде аукционға шығарылған учаскелер бойынша ағымдағы жағдай орналастырылады және ол жарты сағат сайын жаңартылып отыратынын қосымша хабарлаймыз.

• 16.11.2021
• 255