Жол - көлік құқық бұзушылықтарының жолын кесу

Ел жолдарында 9 422 жол-көлік оқиғасы тіркелді, онда 1 418 адам қаза тапты және 12 426 адам жарақат алды.

ЖКО-ның негізгі себебі маневр жасау ережелерін бұзу, жылдамдықты арттыру және реттелмейтін жаяу жүргіншілер өткелінен өту ережелерін бұзу болып табылады.

Жолдарда 5,1 млн. құқық бұзушылықтың жолы кесілді (оның ішінде, 17,8 мың - көлік құралын мас күйінде басқару және 200 мың жаяу жүргіншілердің жол қозғалысы ережелерін бұзуы, 1,8 млн. - жылдамдықтан асып кету, 232,3 мың - қауіпсіздік белдіктерін пайдаланбау, 64,5 мың ұялы телефондарды пайдалану фактілері және т. б.).

17,8 мың мас жүргізуші ұсталды, сот тәртібінде 20,6 мың тәртіп бұзушы басқару құқығынан айырылды, 17,5 мың жүргізуші әкімшілік қамауға алынды.

Патрульдік полиция қызметкерлерімен жол қозғалысын қадағалау кезінде жыл басынан бері планшеттердің көмегімен 2,8 млн. астам электрондық хаттама немесе жол қозғалысы ережелерін бұзудың жалпы санының 89,7% толтырылды.

Хаттамалар онлайн-режимде прокуратураның деректер базасына және электрондық үкімет порталына келіп түседі, бұл олардың қате толтырылуын немесе жоғалуын болдырмайды және азаматтарға алғашқы 7 күнде 50% мөлшерінде айыппұл төлеуге мүмкіндік береді.

Сонымен қатар, планшеттерді пайдалану полиция қызметкерлеріне жүргізушілерде тек жеке басын куәландыратын құжаттар болған кезде жол қозғалысын тиімді бақылауға мүмкіндік береді. Полиция 16,8 мың планшетпен жабдықталған.

• 19.11.2021
• 324