Сәденов Е.С.
ҚР Ішкі істер министрі
«Электрондық қылмыстық іс» пилоттық жобасы
«Цифрлық Қазақстан» мемлекеттік бағдарламасы шеңберінде Бас прокуратура, ішкі істер министрлігі, Қаржы министрлігі және Мемлекеттік қызмет істері агенттігі «Ведомствоаралық жұмыс тобын құру және «Электрондық қылмыстық іс» пилоттық жобасын енгізу туралы» № 556 бірлескен бұйрықты бекітті.
Электрондық іс-бір немесе бірнеше қылмыстық құқық бұзушылық бойынша қылмыстық қудалау органы СДТБТ (сотқа дейінгі тергеп-тексерудің бірыңғай тізілімі – ЕРДР) е-ҚІ (қылмыстық іс) модуліндегі электрондық форматта жүргізетін оқшауланған іс жүргізу. е-ҚІ бағдарламасы қылмыстық процестің барлық кезеңдерін қамтиды: қылмысты тіркеу, тергеу барысы және үкімнің орындалуы.
Қылмыстық процесті цифрландыру халық үшін бірқатар сезімтал мәселелерді шешуге, сондай-ақ дәлелдемелерді жинау рәсімін және процестік құжаттарды жасауды жеңілдетуге және де қылмыстық іс материалдарының бұрмалануын, сондай-ақ тергеуге байланысты материалдық шығындарды және тергеу органына жүктемені болдырмауына мүмкіндік берілді.
«е-ҚІ» артықшылықтары:
- қылмыстық процестің ашықтығы;
- бұрмалау тәуекелдерін барынша азайту;
- қылмыстық істердің жоғалуын болдырмау;
- тергеу мерзімдерін қысқарту;
- жүйелі ведомстволық бақылау және прокурорлық қадағалау (on-line режимінде қол жеткізу);
- қылмыстық процеске қатысушылар арасындағы процессуалдық емес байланыстардың сыбайлас жемқорлық тәуекелдерін қысқарту;
-паспорттық деректер, соттылығы, психо-наркотүсірілімдер, тіркелген қарудың бар-жоғы туралы және мемлекеттік органдардың басқа да дерекқорлары туралы мәліметтер алу.
«е-ҚІ» модулін пайдаланушыларға келесі қызметтерді ұсынады:
- СДТБТ АЖ-да бар есептік мәліметтер негізінде оларды шаблондық қалыптастыру мүмкіндіктерімен электрондық іс жүргізу құжаттарын құру функционалы;
- графикалық планшет пен стилустың көмегімен іс фигуранттарының электрондық процессуалдық құжаттарға қол қою функционалы;
-қылмыстық процеске қатысушыларды шақыру үшін SMS-шақыру қағазын жіберу функционалы;
- қылмыстық істердің санкциялары мен бағыттары мәселелерін қарау үшін сотпен электрондық өзара іс-қимыл функционалы;
- ҚР ҚІЖК 105-б. тәртібінде келіп түскен шағымдарды тіркеу және жауап беру функционалы;
- сот сараптамаларының уәкілетті органдарымен электрондық форматта сараптамаларды тағайындау және алу рәсімдерін жүзеге асыру үшін электрондық өзара іс-қимыл функционалы.
- адвокаттарды тағайындау процестерін автоматтандыру.
Аталған функцияларды іске асыру үшін СДТБТ АЖ «Төрелік» ИАҚ-мен біріктірілді. Сот сараптамасы органдарының сарапшылары үшін сарапшының жеке автоматтандырылған жұмыс орны әзірленді. Сондай-ақ, байланыс арналарын шифрлау бөлігінде ақпараттық қауіпсіздікті күшейту шаралары енгізілді және пайдаланушының саусақ іздері бойынша сәйкестендірудің қосымша факторы қосылды.
- 19.11.2021
- 427
