Қазгидромет халықаралық стандартты бірінші болып енгізді

"Қазгидромет" РМК Қазақстанның республикалық мемлекеттік кәсіпорындары арасында бірінші болып ISO 37001:2016 "Сыбайлас жемқорлыққа қарсы іс-қимыл менеджмент жүйелері" халықаралық стандартын сәтті енгізді. Жақын күндері кәсіпорынға және оның 15 филиалына халықаралық сертификаттау органының сертификаттары беріледі.

Сертификат — бұл компанияларға сыбайлас жемқорлыққа қарсы менеджмент жүйесін енгізуге мүмкіндік беретін құжат. Стандарт, сыбайлас жемқорлық әрекеттерін анықтауға және алдын алуға мүмкіндік береді, сондай-ақ жемқорлық құқық бұзушылықтардың алдын алу шарасы болып табылады.

Аталмыш стандартты, ұйымды басқарудың қолданыстағы процестеріне оңай біріктіруге болады. Ол бүкіл әлемде мойындалған және кәсіпорынның өз бағытындағы жұмысының сапасын анықтайтын басты құжат болып табылады.

✔ Жыл бойы "Қазгидромет" РМК еліміздің түкпір-түкпірінен келген әрбір қызметкердің қатысуымен жұмыс жасады. Жергілікті актілерге өзгерістер енгізілді, мемлекеттік органдармен, халықпен және бизнеспен жұмыс істеу алгоритмдері пысықталды.

• 19.11.2021
• 221