2021 жылдың 17-18 қарашасында StopMusor жобасы шеңберінде "Экономика қызметіндегі тұрақты даму мақсаттары" халықаралық онлайн конференциясы өтті

Іс-шараға "Қазгидромет" РМК өкілдері — экологтар мен климатологтар қатысты. "Экономика қызметіндегі тұрақты даму мақсаттары" халықаралық конференциясының тұжырымдамасы, адамдардың әл-ауқатын жақсарту және жер планетасын қорғау үшін басым бағыттарды айқындауға арналған. Конференцияда талқыланған барлық мақсаттар білім беру, денсаулық сақтау, әлеуметтік қорғау және жұмыспен қамту, климаттың өзгеруіне қарсы күрес, қоршаған ортаны қорғау саласындағы бірқатар мәселелерді шешуге бағытталған. Аталмыш конференцияға ТМД, ЕЭК, ҮЕҰ және бизнес өкілдерінің, эко-белсенділерінің қатысуы айтарлықтай серпін, ал жария алаңның форматы тәжірибе алмасуға мүмкіндік береді және алдыға қойылған мақсаттарға қол жеткізуді жеделдету үшін барлық мүдделі қатысушылардың өзара іс-қимылын жақсартуға ықпал етеді.

"Қазгидромет" РМК ғылыми-зерттеу орталығының директоры Нұрлан Абаев, Қазақстандағы қоршаған ортаның экологиялық жағдайы туралы спикер ретінде сөз сөйлеп, климаттың өзгеруі және оның экономикаға тигізетін зардаптары туралы әңгімеледі.

Конференция сұрақтар мен жауаптар форматында өтті.

Бірінші күн ішінде қатысушылар тиімді экологиялық білім беру қағидаттары мен тәсілдерін ілгерілету және адами капиталды үздіксіз дамытуға жәрдемдесуде мемлекеттің, бизнестің және азаматтық қоғамның мүмкіндіктері мәселелерін талқылады. Екінші күн қатысушылар мен эко еріктілерге арналған онлайн-тренингтерге және конференция жұмысын қорытындылауға арналды.

• 19.11.2021
• 244