Ауыл шаруашылығы, тамақ және қайта өңдеу өнеркәсібі қызметкерлерінің кәсіби мерекесі қарсаңында облыстың алдыңғы қатарлы шаруашылықтарының басшыларымен кездестім

Аграрлық сектор қызметкерлері үшін биылғы жыл қолайсыз климаттық жағдайда өтті. Осыған қарамастан барлық дала жұмыстары сапалы және оңтайлы мерзімде аяқталды.

Биыл ауыл шаруашылығы дақылдарының алқаптарын ұлғайту және қарқынды технологияларды қолдану есебінен дәнді дақылдардың сапалы өнімі жиналды. 940 мың тоннадан астам жоғары сапалы астық бастырылып, 278 мың тонна картоп және 55 мың тонна көкөніс жиналды.

Мысалы, «Найдоровское» ЖШС-де дәнді дақылдардың орташа өнімділігі гектарынан 14,5 центнерді құрады, бұл орташа облыстық көрсеткіштен 5 центнерге артық. Ал «Шанс» ШҚ картоптың орташа өнімділігі гектарынан 372 центнерді құрады. Облыс бойынша бұл көрсеткіш гектарынан 250 центнерді құрайды. «Поливное» ШҚ көкөністердің өнімділігі гектарынан 400 центнерге жетті (облыс бойынша бұл көрсеткіш 340 ц/га).

Мал шаруашылығы саласы тұрақты дамуда. Ет пен сүт өндірісі артты. Техника жақсы қарқынмен жаңартылуда. Тек Осакаров ауданында жыл басынан бері 250 бірлік ауыл шаруашылығы техникасы сатып алынды.

Ауыл шаруашылығына инвестициялар белсенді салынуда, оның негізгі капиталдағы өсімі 130,3% - ды құрады. Жыл басынан бері 303 жұмыс орнының құрылуымен құны 11,1 млрд.теңгеге 15 инвестициялық жоба іске асырылды.

Бұл ретте фермерлер мен тауар өндірушілердің өңірдің әлеуметтік бағдарламаларын іске асыруға, Астықтың резервтік қорын, картоп пен көкөністердің Тұрақтандыру қорын қалыптастыруға қатысуы ерекше құрметке лайық. Бұл шаралар бізге әлеуметтік нан бағасының көтерілуіне жол бермеуге, сондай-ақ картоп пен көкөніс бағасын ұстап тұруға мүмкіндік береді.

Бұл күнде облыста мықты шаруа қожалықтарының пулы қалыптасты. Олардың қатарында бүкіл елге белгілі әулеттер бар. Бұл Прокоп, Төлеуовтар, Нығметовтар, Жабяк, Отарбаевтар және Қаймақовтар әулеттері. Ұрпақтар сабақтастығының осындай жарқын мысалдарының барлығы көңіл қуантады.

Сондай-ақ аграршылармен алдағы кезеңге арналған жоспарларды да талқыладық.

Мемлекеттік қолдау шараларының басым бөлігі қазірдің өзінде көрсетілді. Келесі жылдан бастап кезең-кезеңімен жергілікті бюджеттен жалпы ауданы 10 мың гектардан астам жаңа суармалы жерлерді қалпына келтіру және пайдалануға беру бағдарламасы бойынша ТЭН және ЖСҚ әзірлеуге қаражат бөлетін боламыз. ЖСҚ дайын шаруашылықтарға магистральдық арналар құжаттаманы коммуналдық меншікке өтеусіз берген жағдайда жергілікті бюджет қаражатынан салынады.

Сондай-ақ сүт-тауар фермаларын қолдау үшін жергілікті бюджет қаражаты есебінен инвестициялық салымдарды өтеу үлесін 40% - ға дейін арттырамыз.

Құрметті агроөнеркәсіп кешенінің қызметкерлері!

Сіздерді келе жатқан кәсіби мерекелеріңізбен құттықтаймын, баршаңызға зор денсаулық, амандық және өңіріміз бен еліміздің игілігін арттыруға бағытталған жұмыстарыңызға табыс тілеймін!

• 19.11.2021
• 282