БАСПАСӨЗ ХАБАРЛАМАСЫ

2021 жылғы 25 қарашада, сағат 15.00-де Нұр-Сұлтан қ. Л.Н. Гумилев атындағы Еуразия ұлттық университетінің қабырғасында (Қ. Сатпаева көшесі 2) Қолданбалы этносаяси зерттеулер институты Қазақстан халқы Ассамблеясының қолдауымен Қазақстан Республикасының Тұңғыш Президенті күніне және Қазақстан Республикасы Тәуелсіздігінің 30 жылдығына арналған Қазақстан халқы Ассамблеясының Ғылыми-сарапшылық кеңесінің кеңейтілген отырысын өткізеді.

Кеңейтілген отырыстың күн тәртібінде жас ұрпақтың құндылықтары, этносаралық қатынастар, қазіргі кезеңдегі ұлттық құрылыс, сондай-ақ ҚХА Ғылыми-сарапшылық кеңесінің міндеттері мен одан әрі жұмысы туралы мәселелер қозғалады.

Кеңейтілген отырыстың жұмысына Қазақстан халқы Ассамблеясы Хатшылығының басшылығы, ҚР Ақпарат және қоғамдық даму министрлігінің, ҚР АҚДМ Этносаралық қатынастарды дамыту комитетінің өкілдері, ҚР Парламенті Мәжілісінің депутаттары, ҚХА Ғылыми-сарапшылық кеңесі мен Ғылыми-сарапшылық топтарының мүшелері, жас ғалымдар пулы және басқалары қатысады.

Іс-шара соңында Қолданбалы этносаяси зерттеулер институты мен Л.Н. Гумилев атындағы Еуразия ұлттық университеті арасында ғылыми және білім беру ынтымақтастық туралы меморандумға қол қою жоспарланған.

Басқа өңірлердің қатысушылары ZOOM платформасы арқылы онлайн режимінде қосылатын болады.

«Ashyq» қосымшасында тек жасыл статусы бар БАҚ өкілдері ғана оффлайн түрде қатыса алады.

• 24.11.2021
• 282