2021 жылдың қараша айының 2-ші онкүндігіне қысқаша агрометеорологиялық шолу

Қазақстанның оңтүстігі мен оңтүстік-шығысының күздік дәнді дақылдар себілетін аудандарында ауа температурасы өткен онкүндікте орташа көпжылдық мәннен 1-3°С төмен, таулы және тау бөктері аудандарында 5°С төмен болған. Жауын-шашын көбінесе нормаға жуық және нормадан төмен, яғни 0 - 18 мм мөлшерінде жауған, таулы және тау бөктері аудандарында 11-32 мм дейін жеткен жауын-шашын көпжылдық мәннен біршама артық болған. Жалпы мұндай ауа-райы жағдайы күздік бидайдың бірінші кезең шынығуынан өтуіне қолайлы болған және кейбір аудандарда күздік дақылдардың вегетациялық кезеңінің тоқтауына әкелген.

Жамбыл және Түркістан облыстарының бақылау учаскелерінде күздік бидайдың жағдайы тегіс жақсы және қанағаттанарлық. «Тұқымның өнуі» - «көктеу» даму кезеңі, Мерке және Қордай станцияларының маңайындағы жеке учаскелерде «3-жапырақ» кезеңі байқалған. Күздік бидайды егу және тырмалау жұмыстары өткен онкүндікте Жамбыл облысының Шу ауданының Төлеби станциясы және Түркістан облысының Қазығұрт ауданының Қазығұрт станциясы маңайларында жүргізілген.   

Маршруттық бақылау нәтижелеріне сәйкес Батыс Қазақстан облысының Бәйтерек ауданында күздік бидай егістігі «3-ші жапырақ» даму фазасында болған, егістіктің жағдайы қанағаттанарлық, өсімдіктердің биіктігі 7-9 см құраған, егістіктерде арам шөптер болмашы ғана, олар сирек кездеседі, Теректі ауданында күздік қара бидай «түптену» фазасында болған, егістіктің жағдайы қанағаттанарлық, өсімдіктердің биіктігі 12 см, арамшөптер байқалмаған.

2021 жылдың қараша айының 2-ші онкүндігіне арналған агрометеорологиялық шолумен, толығырақ келесі сілтеме арқылы өтіп, таныса аласыз: https://www.kazhydromet.kz/ru/agrometeorology/kratkiy-obzor-agrometeorologicheskih-usloviy

• 25.11.2021
• 199