«Қазгидромет» РМҚ 2020 жылға арналған Қазақстанның климаттың өзгеруі мен жай-күйінің мониторингінің жыл сайынғы бюллетенін жариялайды

Жалпы жер шары үшін 2020 жыл, аспаптық бақылаулар жүргізілген кезең аралығы бойынша ең жылы 3 жылдықтардың бірі болды. 2020 жылы әлемдегі орташа ауа температурасы, 1850-1900 жылдардағы индустриялануға дейінгі деңгейге, жуықтап пайдаланылған базалық деңгейден шамамен 1,2 ± 0,1 °С жоғары болды. Жаһандық масштабта қарағанда барлық экстремалды жылы жылдар – соңғы 20 жылдарға тән. 1983 ж. және 1995 ж. ескермегенде, осы ерекшелік Қазақстанда да байқалады. Қазақстан аумағы бойынша орташа алынғанда 2020 жылдың орташа жылдық ауа температурасы 1961-1990 жж. кезеңіндегі нормадан 1,92 °С жоғары болды. Бұл мән 1941-2020 жж. кезеңіндегі ең жылы жылдар сабын бастап тұр.

Ақмола, Ақтөбе, Атырау, Қостанай, Павлодар және Солтүстік Қазақстан облыстары үшін де, 2020 жыл рекордты жылы болып, аномалиялар +2,23 °С-тан +3,16 °С-қа дейін орын алды. 2020 жыл солтүстік аймақтың 59 метеостанциясы үшін, 1941 жылдан бері келе жатқан ең жылы жыл болды.

2020 ж. Қазақстан территориясы бойынша орта алғанда жауын-шашын мөлшері 270,7 мм (норманың 85 %) құрады. Солтүстіктің кейбір аймақтарында жылдық жауын-шашын мөлшері нормадан ең көбі максимум 40–45 % жоғары болды. Республиканың батыс және оңтүстік аймақтарында болса тіптен жауын-шашын тапшылығы (30–40 %) байқалды.

Бюллетеннің толық мәтінін мына сілтеме арқылы жүктеп, оқуға болады: https://www.kazhydromet.kz/ru/klimat/ezhegodnyy-byulleten-monitoringa-sostoyaniya-i-izmeneniya-klimata-kazahstana

• 25.11.2021
• 174