Қазақстан Республикасы Тұңғыш Президент күніне және Қазақстан Республикасы Тәуелсіздігінің 30 жылдығына арналған ҚХА Ғылыми-сарапшылық кеңесінің кеңейтілген төртінші отырысының БАСПАСӨЗ ХАТЫ

2021 жылғы 25 қарашада сағат 15:00-де Нұр-Сұлтанда Тұңғыш Президент күніне және Қазақстан Республикасы Тәуелсіздігінің 30 жылдығына арналған Қазақстан халқы Ассамблеясының Ғылыми-сарапшылық кеңесінің кеңейтілген төртінші отырысы ашылды. Іс-шараға ҚР Парламенті Мәжілісінің депутаттары, Қазақстан халқы Ассамблеясы төрағасының орынбасары Марат Әзілханов, ҚР АҚДМ Этносаралық қатынастарды дамыту комитетінің төрағасы Ғалым Шойкин, ҚХА Ғылыми-сарапшылық кеңесінің және өңірлердің Ғылыми-сарапшылық тобының, ҚХА кафедралары қауымдастығының мүшелері, жас ғалымдар пулы және басқа да сарапшылар қатысты.

Кеңейтілген отырыстың күн тәртібінде жас ұрпақтың құндылықтары, этносаралық қатынастар, қазіргі кезеңдегі ұлттық құрылыс, сондай-ақ ҚХА Ғылыми-сарапшылық кеңесінің міндеттері мен одан әрі жұмысы туралы мәселелер қозғалды.

Бағдарлама сарапшылар мен ғалымдардың презентациялары мен сөздерінен, сондай-ақ этносаралық қатынастар саласындағы ғылыми-сарапшылық әрекеттесудің өзекті мәселелері бойынша талқылау мен пікір алмасудан тұрды. Іс-шара соңында Қолданбалы этносаяси зерттеулер институты мен Л.Н. Гумилев атындағы Еуразия ұлттық университеті арасында ғылыми және білім беру ынтымақтастығы туралы меморандумға қол қойылды.

• 26.11.2021
• 225