Қазгидромет қоғамдық қормен меморандум жасасты

Қазақстан Республикасы Экология, Геология және табиғи ресурстар министрлігінің "Қазгидромет" РМК-ы және AirVision.kz қоғамдық қоры, атмосфералық ауа сапасын зерттеу саласындағы ынтымақтастық туралы меморандум жасасты.

Ынтымақтастықтың негізгі бағыттары:

Қазақстанда экологиялық мәселелер мен зерттеулер шеңберінде орындалатын жобаларға, гранттарға, іс-шараларға бірлесіп қатысу.

Атмосфералық ауаның ластануы туралы экологиялық ақпарат алуда консультациялар, тәжірибе, озық технологиялармен алмасу.

Сондай-ақ меморандум химиялық-талдау жұмыстарын, өлшеулерді жүргізуге, сондай-ақ нәтижелердің шынайылығын және Қазақстан Республикасының техникалық реттеу және өлшем бірлігі саласындағы заңнамасының талаптарына сәйкестігін қамтамасыз етуге жәрдемдесуді көздейді.

Тараптар арасындағы ынтымақтастық, экологиялық мәселелер мен зерттеулер бойынша бірлескен жоспарлар, бағдарламалар, хаттамалар, жобалар, семинарлар, конференциялар, дөңгелек үстелдер түрінде жүзеге асырылатын болады.

• 03.12.2021
• 139