ҮМІТКЕРЛЕРДІҢ НАЗАРЫНА

БОС ӘКІМШІЛІК МЕМЛЕКЕТТІК ЛАУАЗЫМҒА ОРНАЛАСАТЫН ЖӘНЕ ҚҰҚЫҚ ҚОРҒАУ ҚЫЗМЕТІНЕ АЛҒАШ РЕТ КІРЕТІН ҚҰРМЕТТІ ҮМІТКЕРЛЕР!

«Мемлекеттік қызмет персоналын басқару ұлттық орталығы» АҚ (бұдан әрі – Орталық) заңнаманы тестілеуден және жеке қасиеттерін бағалаудан өту үшін мемлекеттік әкімшілік лауазымға орналасуға үміткер тұлғалардың тіркелу процесіне талдау жүргізді.

Соңғы уақытта кандидаттардың атынан үшінші тұлғалардың тестілеу орындарын брондау жағдайлары жиілеп кетті. Мысалы, үшінші тұлғалар үміткердің атынан тіркеу жасаған, оған қоса бірнеше рет тестілеудің бірнеше түріне тіркеу жағдайлары байқалып, өкінішке орай, бұндай жағдайлар қайта-қайта жүзеге асыруы қайталануда.

Мән-жайлар анықталғаннан кейін кандидаттың өз бетінше тестілеуден өткені және тестілеуден өту үшін қайта тіркелмегені анықталды.

Белгілі болғандай, үміткер абайсызда өзінің дербес деректерін, электрондық цифрлық қолтаңба кілтін және құпиясөзді тестілеуден өтуге дайындық бойынша оқу орталығына ұсынған.

Сондықтан ЭЦҚ кілттерін алғаннан кейін құпиясөзді ауыстыруды ұсынамыз.

ҮМІТКЕРЛЕРГЕ – ЭЦҚ кілті қол қоюшы тұлғаның өзі қойған қолымен тең екенін және оны үшінші тұлғаларға бергені және пайдаланғаны үшін бірдей заңды салдарларына әкеліп соғатыны туралы ЕСТЕ САҚТАУ МАҢЫЗДЫ.

«Әкімшілік құқық бұзушылық туралы» Қазақстан Республикасы Кодексінің (бұдан әрі – Кодекс) 640 бабының 4-тармағына сәйкес, тіркеу куәлігі иесінің ЭЦҚ-ның өзіне тиесілі жабық кілтін заңсыз қол жеткізуден және пайдаланудан қорғау үшін, сондай-ақ ашық кілттерді сақтау бойынша Қазақстан Республикасының заңнамасында белгіленген тәртіппен шаралар қолданбауы елу айлық есептік көрсеткіш мөлшерінде айыппұл салуға әкеп соғады.

Сондай-ақ Кодекстің 640 бабының 5-тармағына сәйкес ЭЦҚ жабық кілтін басқа тұлғаларға заңсыз беру жеке тұлғалар үшін – 10 АЕК мөлшерінде, лауазымды тұлғалар, шағын кәсіпкерлік субъектілері немесе коммерциялық емес ұйымдар үшін – 15 АЕК мөлшерінде, орта кәсіпкерлік субъектілері үшін – 30 АЕК мөлшерінде, ірі кәсіпкерлік субъектілері үшін – 100 АЕК мөлшерінде айыппұл салуға әкеп соғады.

Анықтама үшін:

1 айлық есептік көрсеткіш (АЕК) - 2 917 теңге (2021 жылғы 1 қаңтардан бастап).

ҚҰРМЕТТІ ҮМІТКЕРЛЕР!

Сіздің құқықтарыңызды, заңнамалар мен тестілеу ережелерін бұзбау үшін қырағылық танытуды және жеке деректерді үшінші тұлғаларға бермеуді өтінеміз!

Бұл әкімшілік жауапкершіліктің басталуына немесе бір жылға дейінгі мерзімде қайта тестілеуге тыйым салуға әкелуі мүмкін.

ЭЦҚ кілті жоғалған жағдайда тез арада жаңасын жасау, ал Қазақстан Республикасы Ұлттық куәландыру орталығының жеке кабинеті арқылы жоғалған ЭЦҚ кілттерін қайтарып алу қажет.

Осындай оқиғалар анықталған жағдайда, сондай-ақ тестілеуден өтуге орындар сату жағдайларында біздің Орталыққа келесі нөмірі бойынша +7 (747) 724 58 94 (ұялы операторлардың тарифтеріне сәйкес ақылы қызмет) және (немесе) Қазақстан Республикасының Сыбайлас жемқорлыққа қарсы қызметіне 1424 нөмірі бойынша хабарласуды сұраймыз.

Анонимділігіне кепілдік беріледі.

Бұдан басқа, жеке оқу орталықтарында оқығаннан кейін тесттен сәтсіз өту шағымдарға қатысты Орталықтың ешқандай қатысы жоқ екенін мәлімдейді. Тестілеуге дайындық бойынша оқу орталықтары жеке мекеме болып табылады және белгілі бір мүдделерге ие.

Орталық пен оның өңірлік өкілдіктеріндегі әкімшілік және құқық қорғау қызметіне өтуге арналған бағдарламалар бойынша тесттер үнемі жаңартылып отырады, көптеген нұсқалары бар және сұрақтардың сәйкестігі алынып тасталады.

• 06.12.2021
• 340