Нұр-Сұлтанда «Алтын сапа» Президенттік сыйлығының 15-ші мерейтойлық марапаттау рәсімі өтті.

ҚР Президентінің «Алтын сапа» арнайы сыйлығын премьер-министр Асқар Маминнің қолынан «Үздік инновациялық жоба» номинациясында «Агрофирма TNK» ЖШС алды. Компания екінші рет беделді марапатқа ие болды. Алғаш рет «Алтын Сапа» статуэткасы және 2016 жылы Ең үздік Агрофирма кәсіпорны атағын жеңіп алды.

«Агрофирма TNK» ЖШС - бұл «ауылдан үстелге дейін»қағидаты бойынша табиғи өнімдерді жоғары технологиялық өндіретін компаниялар тобы кіретін ірі ауыл шаруашылық құрылым. Кәсіпорын Ақмола облысының Жақсы ауылында орналасқан, бүгінде ол өсімдік шаруашылығы мен мал шаруашылығы өнімдерін өндіру, өңдеу, сақтау және сату үшін барлық қажеттіліктермен жабдықталған.

Сондай-ақ, облыстың 3 кәсіпорны бизнестің әлеуметтік жауапкершілігі жөніндегі «Парыз» конкурсының лауреаттары болып танылды.

I орын «Еңбекті қорғау саласындағы үздік кәсіпорын» номинациясы бойынша Көкшетау қ. «Камаз-Инжиниринг» АҚ,  I орын «Экологияға қосқан үлесі үшін»н оминациясы бойынша Целиноград ауданының «HEVEL KAZAKHSTAN» ЖШС, II орын - Аршалы ауданының «Ақбұлақ – Агро» ЖШС «Үздік әлеуметтік-жауапты кәсіпорын» номинациясы бойынша берілді.

Жерлестерімізді беделді сыйлықтарға ие болуларыңызбен құттықтаймын, гүлдену мен амандық тілеймін!

• 08.12.2021
• 263