Біз сіздің есімдеріңізді мәңгі есте сақтаймыз!

 Нұр-Сұлтан қаласының Достық үйінде Ақпарат және қоғамдық даму министрлігінің қолдауымен Қазақстан Республикасы Тәуелсіздігінің 30 жылдығына орай «Егеменді еліміздің 30 танымал тұлғалары» жобасы қатысушыларының Форумы қорытындыланып, жоба қатысушыларының марапаттауы өткізілді.

Жоба Отанымыздың Тәуелсіздік жолында үлес қосқан тұлғаларды еске алуды насихаттауға, ел тарихына қызығушылықты арттыруға, ұлтжандылықты және Отанды сүюді қалыптастыруға бағытталған. Қазақстан Тәуелсіздігіне өз үлесін қосқан танымал тұлғалардың есімі берілген Елорданың 30 көшесі жайлы әлеуметтік желілерде алып тұлғалардың өмірі мен қызметі, көшенің, сол көшелерде орналасқан ғимараттар мен мекемелердің тарихы насихатталды.

Ассамблея жастары жобаны кеңінен қолдап, әлеуметтік желілерде ауқымды ақпараттық науқан жүргізді, ақпарат жинау үшін студенттер қалалық мұрағаттарды, ҚР Ұлттық академиялық кітапханаларын аралады. Жастармен тілдесуге студияға ғалымдар, қоғамдық және мемлекеттік қайраткерлер шақырылды. Сондай-ақ, жетекші продюсерлер, режиссерлер, журналистер мен операторлар жоба қатысушыларымен қысқа мерзімдік шеберлік сыныптарын өткізді.

Қазақстан халқы Ассамблеясы «Нұр-Сұлтан қаласының Қырғыз этномәдени бірлестігінің» ҚБ жастар қанаты «Егеменді еліміздің 30 танымал тұлғалары» атты Жастар жобасын сәтті жүзеге асырды.

Жобаның іске асырылуы елімізде келісім мен бірлігіміздің нығаюына, Қазақстан Республикасы Тәуелсіздігінің 30 жылындағы жетістіктерді насихаттау арқылы жастар мен өскелең ұрпақ арасында Отанға деген сүйіспеншілік сезімдерін күшейтуге септігін тигізді.

• 09.12.2021
• 261