Мемлекет басшысы «Тәуелсіздік ұрпақтары» грантын тапсыру рәсіміне қатысты

Мемлекет басшысы «Тәуелсіздік ұрпақтары» грантын тапсыру рәсіміне қатысты Қ.К.Тоқаев жастарды ел Тәуелсіздігінің 30 жылдық мерейтойымен құттықтап, бүгінгі кездесудің ерекше мән-маңызы бар екенін айтты. Президент Тәуелсіздік ұрпақтарын, шын мәнінде, жаңа Қазақстанның басты символдарының бірі ретінде атап өтті. – Еліміз дербес мемлекет болғаннан бері ойы еркін, рухы азат тұтас буын өсіп жетілді. Тәуелсіздік перзенттерінің алдыңғы толқыны ержетіп, ел ісіне араласуда. Олар отанымыздың өсіп-өркендеуіне өз үлесін қосып келе жатыр. Мен егемендік кезеңінде туып-өскен жастарымызға арнайы грант бөлуді тапсырғанмын. Бұл – талапты ұл-қыздарымыздың бастамаларын қолдау үшін жасалған қадам. Қазақта «Жас келсе – іске» деген жақсы сөз бар. Халқымыз жастарға әрдайым зор сенім артып, ерекше үміт күтеді. Ұрпақтың тәрбиелі, білімді және білікті болуына айрықша ден қояды, – деді Президент. Толығырақ: https://akorda.kz/kz/memleket-basshysy-tauelsizdik-urpaktary-grantyn-tapsyru-rasimine-katysty-8113348

• 09.12.2021
• 355