Қазақстан Республикасы Экология, геология және табиғи ресурстар министрлігі «Орталық Азиядағы балық шаруашылығы мен акваөсіруді орнықты басқару мүддесінде әлеует құру (FISHCap) (1-Фаза: акваөсіру және тамақ өнімдерінің қауіпсіздігі)» жобалық құжатына қол қойды

2021 жылдың 7 желтоқсанында Қазақстан Республикасы Экология, геология және табиғи ресурстар министрлігі мен Біріккен Ұлттар Ұйымының Азық-түлік және ауыл шаруашылығы ұйымы (ФАО) «Орталық Азиядағы балық шаруашылығы мен акваөсіруді орнықты басқару мүддесінде әлеует құру (FISHCap)  (1-Фаза: акваөсіру және тамақ өнімдерінің қауіпсіздігі)» жобалық құжатына қол қойды.

Жобалық құжат шеңберінде жобалық құжат есебінен халықаралық сарапшыларды тарту арқылы Қазақстанда өңірлік тренингтер мен семинарлар ұйымдастыру, акваөсіру саласындағы техникалық және қолданбалы құжаттарды әзірлеу және оларды балық шаруашылығы субъектілері арасында тарату, шағын пилоттық жобаларды іске асыруға қаражат тарту жоспарлануда.

Жобалық құжатын іске асыру Қазақстан Республикасының бюджет қаражатының шығындарына әкеп соқпайды және тұтастай алғанда елдегі балық шаруашылығының дамуына, сондай-ақ осы салада ФАО-мен одан әрі ынтымақтастыққа ықпал етеді.

• 11.12.2021
• 380