Қазақстан халқы Ассамблеясы және Ақпарат және қоғамдық даму министрлігінің «Қазақстан халқы ертегілері» кітабы жарық көрді

13 желтоқсанда ҚР Ақпарат және қоғамдық даму министрлігінің бастамасымен Қазақстан халқы Ассамблеясы этномәдени бірлестіктерінің өкілдерімен бірлесіп мемлекеттік тілде «Қазақстан халқы ертегілері» кітабы жарық көрді.

Балаларға арналған бұл кітап екі томнан тұрады  (4-7 және 8-11 жастағы балалар үшін). «Алматы кітап» баспасынан басылып шыққан кітаптың таралымы 4 000 дананы (әр бөлімі 2 000 дана) құрайды.

Балаларға арналған Қазақстан халықтарының ертегілер жинағы Қазақстанның түрлі этностарының әдеби мұрасы ретінде алғаш рет қазақ тілінде жарық көрген. Кітапқа Қазақстанның 25 ірі этностарының 114 халық ертегілері енген, олардың ішінде корей, неміс, шешен-ингуш, еврей, грек, мордва, литва, поляк және т.б. халықтардың ертегілері бар.

Мақсатты аудиторияны анықтау және осы жинақ мазмұнының сәйкестігі үшін Ы. Алтынсарин атындағы Ұлттық білім академиясында сараптама жүргізілді.

Алдағы уақытта кітаптарды мектепке дейінгі және орта білім беру мекемелеріне, сондай-ақ кітапханаларға бөліп тарату мақсатында Білім және ғылым, Мәдениет және спорт министрліктеріне жіберіледі.

• 15.12.2021
• 324