Алматыдан шыққан алғашқы «Тальго» жүрдек пойызы Маңғыстауға жетті

Ел Тәуелсіздігінің 30 жылдығы қарсаңында «Алматы-2–Маңғыстау» бағыты бойынша  «Жолаушылар тасымалы» АҚ-ның  №111 Тальго пойызы іске қосылды.
 
Пойыздың жалпы жолдағы жүру уақыты 41 сағат 49 минутты құрайды. Ол екі құрамнан тұрады және жұп күндері жүреді. Олардың әрқайсысында 324 орындық «Турист» санатындағы вагондар, сондай-ақ вагон-бар және вагон-мейрамхана қарастырылған. Тальго жүрдек пойызы жолда жүру уақытын 15 сағатқа қысқартып отыр. 
 
Жолаушылар мультимедиялық ресурсты ішкі желі арқылы пайдалана алады. Әуе тасымалдаушыларындағы сияқты жолаушылар өздерінің жеке құрылғыларының (ұялы телефондар, портативті компьютерлер) көмегімен сервердегі ойын-сауық бағдарламаларын, фильмдерді көре алады.  
 
 Бұл бағыт 12 желтоқсаннан бастап жолаушылар пойыздары қозғалысының жаңа кестесі аясында енгізілді. Кесте бойынша Қазақстанда 118 жұп пойыз жүретін болады. Оның 95-і «Жолаушылар тасымалы» АҚ-на (оның ішінде қала маңындағы тасымал - 61), ал қалған 23-і жеке тасымалдаушыларға тиесілі.
 
  Сонымен қатар, №37/38 «Маңғыстау – Нұр-Сұлтан-Нұрлы Жол» пойызының жол жүру бағыты Семей станциясына дейін ұзартылды. Енді бұл пойыз «Маңғыстау – Семей» деп аталады, ал оның ұзындығы 3233 шақырымды құрайды. Бір бағыттағы жол жүру уақыты - 62 сағат 21 минут. Пойыз жұп күндері жүреді.
 
 Жолаушылар пойызының қозғалыс кестесі бойынша анықтамалық ақпаратты «105» нөмірі бойынша білуге және Bilet.railways.kz. сайтынан алуға болады.
 
«Қазақстан темір жолы» ҰК» АҚ баспасөз қызметі

• 15.12.2021
• 154