2021 жыл Қазақстан Республикасы Тәуелсіздігінің 30 жылдығы болып жарияланды

Құрметті жерлестер!

2021 жыл Қазақстан Республикасы Тәуелсіздігінің 30 жылдығы болып жарияланды. Ел Президенті Қасым-Жомарт Кемелұлы Тоқаев атап өткендей, бұл өткен жолды ұғынуға жақсы себеп.

Тәуелсіздік жылдарында Қазақстан мемлекеттілігін нығайтуда, әлеуметтік-экономикалық дамуда айтарлықтай табыстарға қол жеткізді, халықаралық аренада танылып, құрметке ие болды. Тұңғыш Президент –Нұрсұлтан Әбішұлы Назарбаевтың дана, көреген саясатының және барша қазақстандықтардың ұйымшыл, жасампаз еңбегінің арқасында елімізде жалпыұлттық идеяның маңызды құрамдас бөлігіне, қоғамдағы келісімнің негізіне айналған кең ауқымды реформалар мен қайта құрулар табысты жүргізілді!

Президент ел дамуының барлық негіз қалаушы қағидаттарын айқындады. Нарықтық қатынастар және кәсіпкерлік еркіндігі - экономикада, ұлтаралық келісімде.

Осы жетістіктердің барлығы-ел Президентінің міндеттерін іске асырудың, стратегиялық құжаттарды, мемлекеттік және салалық бағдарламаларды іске асырудың нәтижесі.

Осы мереке күні Сіздерге және Сіздердің жақындарыңызға зор денсаулық, отбасыларыңызға амандық, сәттілік пен табыс тілеймін! Отанымыз – Қазақстан Республикасы гүлдене берсін!

Сіздерді Ұлттық мереке – Қазақстан Республикасының Тәуелсіздік күнімен құттықтаймын!

• 15.12.2021
• 420