Тәуелсіздік күніне орай еңбек сіңірген қызметкерлер марапатталды

Қазақстан Республикасының Тәуелсіздігінің 30 жылдығын мерекелеу қарсаңында, "Қазгидромет" РМК қызметкерлері лайықты марапаттармен және алғыс хаттармен мадақталды.

"Қазақстан Республикасының Тәуелсіздігіне 30 жыл" мерекелік медалімен Қазгидрометтің бес қызметкері, оның ішінде Алматы қаласы бойынша филиалдың директоры — Қасымбек Т. Н., ұзақ мерзімді болжамдар басқармасының басшысы — Исабекова Ж. К., станция басқарушылары — Мордвинова С. Н., Лупенков П. И. және Атырау облысы бойынша филиалдың инженер-метеорологы — Азизова Т. М. марапатталды.

Қазақстан Республикасының Экология, геология және табиғи ресурстар министрінің Құрмет грамотасымен "Қазгидромет" РМК-ның жеті қызметкері марапатталды: Р.М. Илякова, П.К. Овчинников, С.К. Әділбекова, О.Е. Минькова, Н.В. Гуришкина, М.А. Иванова және Л.И. Круглова. Сондай-ақ, "Қазгидромет" РМК бас директорының Құрмет грамотасымен Қазақстанның ұлттық гидрометеорологиялық қызметінің 18 үздік маманы марапатталды.

Еліміздің Тәуелсіздік күнімен шын жүректен құттықтауымызды қабыл алыңыздар! Бұл мереке мемлекетіміздің бостандығы мен құдіреттілігінің символы болып саналады.

• 20.12.2021
• 286