Әсет Ерғалиев «Nur Otan» партиясының қоғамдық қабылдауында азаматтарға қабылдау өткізді

Бүгін «Nur Otan» партиясының республикалық қоғамдық қабылдауында Ұлттық экономика министрі Әсет Ерғалиев азаматтарға жеке қабылдау өткізді. Тұрғындармен кездесу онлайн режімінде жүргізілді. Жеке қабылдауға Нұр-Сұлтан, Алматы қалаларының және Түркістан облысының тұрғындары жазылған. МЖӘ механизмі бойынша Түркістан облысы Түлкібас ауданы Сазтөбе кентіндегі ДСК құрылысын салуға қатысты бірінші сауалды «МАРАС OIL И КО» ЖШС басшысы Асқар Айдарбеков қойды. «МЖӘ жобасы бойынша мемлекеттік міндеттемелерді, оның ішінде жергілікті атқарушы органдардың мемлекеттік концессиялық міндеттемелерін орындау жергілікті бюджет қаражаты есебінен жүзеге асырылады», - деп жауап берді ҰЭМ басшысы. Алматы қаласының тұрғыны Қайрат Әлиев мүгедектердің 3 тобын халықтың әлеуметтік осал тобы санатына қосуға қатысты Бизнесті дамыту және қолдау үшін гранттар беру ережесіне өзгеріс енгізу туралы өтініш білдірді. Министрдің айтуынша, бұл ұсыныс Кәсіпкерлікті дамыту жөніндегі ұлттық жоспарды іске асыру мақсатында әзірленіп жатқан Үкімет қаулысының жобасы шеңберінде ескеріледі. Rahym әлеуметтік үйінің басшысы Бибінұр Шералиева салық салу және салық заңнамасы бойынша бірнеше мәселе көтерді. «Біздің, салық саясатына жауап беретін Министрлік үшін сіз қөтерген мәселе аса маңызды. Біз оны әзірленіп жатқан шаралар шеңберінде зерттейміз. Оның кейбіреуі бойынша жұмыс жүргізілуде. Біз міндетті түрде сіздердің оған белсенді қатысуларыңызды қалар едік. Барлық ұсыныстарыңызды егжей-тегжейлі талқылауға әзір екенімді білдіремін», - деді Әсет Ерғалиев. Онлайн-қабылдау барысында Нұр-Сұлтан қаласының тұрғыны Жәмила Садықова акциздерді өсіру есебінен зиянды өнімдерді (Қазақстандағы темекі, алкоголь және құрамында қант бар сусындар) реттеу бойынша ұсыныс жасады. «Акциздердің өсуіне (алкоголь, темекі және т.б.) байланысты сіз көрсеткен бағыттар салық саясаты шеңберінде айтылған. Бұл салада жұмыс жүргізіліп жатыр. Бүгінгі күні Салық кодексі арқылы алкоголь және темекі өнімдеріне акциз мөлшерлемесі кезең-кезеңімен арттырылған. Біз сіздің ұсынысыңызды міндетті түрде ескереміз және талқылау үшін назарға аламыз», - деп атап өтті Ұлттық экономика министрі азаматтарды қабылдауды аяқтай келіп.

• 21.12.2021
• 275