«Ауыл ел бесiгi» бағдарламасы

Құрметті жерлестер!!!

Бүгін қала және аудан әкімдерімен "Ауыл ел бесігі"бағдарламасының іске асырылу барысы бойынша кеңес өткіздім. Бұл бағдарламаға облыстың 116 тірек ауылы кіреді, қазіргі уақытта 44 елді мекенде 75 жоба аяқталды, тағы алтауы жыл соңына дейін және 12-сі 2022 жылы жүзеге асырылады.

Жобалардың ішінде дене шынықтыру-сауықтыру кешендері, бассейндер, мәдениет үйлері құрылысы, мектептерді жөндеу нысандары бар. Өкінішке орай, мерзімдері ұзаққа созылған аудандар бар. Олардың құрылыс материалдарының қымбаттауы, конкурстардың кеш өткізілуі және жобаларды пысықтау қажеттілігі сияқты объективті себептері бар. Бірақ әкімдердің назарын жобаларды іске асыру үшін бірінші кезекте оларға жауапкершілік жүктелетініне тағы да аударғым келеді. Мен осы мәселелердің барлығын қарастыратын, сапалы талдау жүргізетін комиссия құруды тапсырдым.

Сонымен қатар, қала және аудан әкімдеріне барлық тендерлер сәуір айына дейін өтетінін, жұмыстар құрылыс маусымында жүргізілетінін қадағалауды тапсырдым.

Көптеген ауылдарда біз дене шынықтыру-сауықтыру кешендерін салып жатырмыз, бірақ мұны демографиялық жағдайды, балалар санын ескере отырып істеу керек. Бізде жобалар бар және әр елді мекеннің талдауын ескере отырып, спорт нысандарын салу қажет.  Бүгінде өңірде балалар бұқаралық спортын дамытуға үлкен көңіл бөлінуде, 7000 тегін секция жұмыс істейді. Ауылдық жерлерде жаттықтырушылар саны артты.

Сондай-ақ, ағымдағы жылдың 11 айында өңірдің әлеуметтік-экономикалық дамуының алдын ала қорытындылары шығарылды. Инвестициялар мен құрылыс саласында бір мәнді өсім байқалады, жыл соңына дейін мен әрбір әкімді қажетті индикаторларға қол жеткізу жөніндегі жұмыс қорытындылары туралы тыңдаймын.

• 23.12.2021
• 446