Қазгидромет бірінші болып халықаралық сертификатты алды

"Қазгидромет" РМК және оның 15 аймақтық филиалы, Қазақстанның республикалық мемлекеттік кәсіпорындары арасында бірінші болып, ISO 37001:2016 "Сыбайлас жемқорлыққа қарсы менеджмент жүйесі" стандартының халықаралық сертификатын алды. Құжатты салтанатты түрде "Қазгидромет" РМК бас директоры — Данара Алимбаеваға, "CERT International" сертификаттау жөніндегі халықаралық органының өкілі, "CERT Academy Kazakhstan" ЖШС директоры — Айжан Жанайдарова табыс етті.

Сондай-ақ, ҚР экология, геология және табиғи ресурстар министрі атынан, Министрліктің қызметіне қосқан елеулі үлесі үшін және Қазақстан Республикасы Тәуелсіздігінің 30 жылдығына орай, ҚР ЭГТРМ ЭСТМД басшысы — Агзан Рашидович атынан, бас директор — Данара Әлімбаеваға және Қазгидрометтің комплаенс-офицері — Нұржан Шияпқа Құрмет грамоталары табыс етілді.

Жыл бойы біз, еліміздің түкпір-түкпірінен келген әрбір қызметкердің қатысуымен үлкен жұмыстар жүргіздік. Жергілікті актілерге өзгерістер енгізілді, мемлекеттік органдармен, халықпен және бизнеспен жұмыс істеу алгоритмдері пысықталды. Бұл жұмыстың нәтижесі — сертификат пен атқарылған жұмыстың жоғары бағасын алу болып отыр.

• 23.12.2021
• 226