Саяси қуғын-сүргін құрбандарын ақтау жөніндегі комиссияның есебі

Құрметті жерлестер!!!

Саяси қуғын-сүргін құрбандарын ақтау жөніндегі комиссияның есебін тыңдадым. Біздің тарихшылар, жоғары оқу орындарының оқытушылары мен ғалымдар үлкен әрі маңызды жұмыс атқарғанын бірден атап өткім келеді. Мұрағаттардан ақталмаған азаматтардың 2847 ісі табылды, олардың 2666-сы оңалту шарттарына жатады, комиссия барлық қажетті құжаттарды дайындап қойды. Өз туыстарының тағдыры туралы білгісі келетін адамдардың көптеген өтініштерінен кейін біз мамандандырылған портал аштық, онда сіз өтініш қалдыра аласыз, мамандар оны міндетті түрде қарастырады. Қазірдің өзінде 494 іс Мемлекеттік комиссияның қарауына жіберілмек.

Сондай-ақ, комиссия күштеп жер аударылған адамдардың 203 ісін толық зерделеді, оның үстіне ұзақ жылдар ішінде алғаш рет олардың нақты саны анықталды. Жоғарыда айтылғандардан басқа, мамандар Ұлы Отан соғысы кезінде концлагерьлерде болған шығысқазақстандық әскери тұтқындардың істерімен жұмыс істеуде.

Осы жұмысқа студенттерді, магистранттарды, волонтерлерді тарту қажет. Біз өз тарапымыздан оларды қажетті техникасымен қамтамасыз етуге дайынбыз. Тарих ұмытылмауы және бұрмаланбауы керек! Бұл саяси кезең толыққанды зерттелуі қажет.

• 24.12.2021
• 291