Энергетика министрлігінде «Теңізшевройл» компаниясының өкілдерімен алқа отырысы өтті

23 желтоқсанда Қазақстан Республикасының Энергетика министрі Мағзұм Мырзағалиевтің төрағалық етуімен «Теңізшевройл» ЖШС компаниясының өкілдерімен ҚР Энергетика министрлігінің алқасы өтті, оның шеңберінде Теңіз кен орнын болашақта кеңейту жобасын іске асыру барысы туралы есеп тыңдалды.

Сондай-ақ, іс-шараға Атырау облысы әкімдігінің, «ҚазМұнайГаз» ҰК АҚ, «Kazenergy» қауымдастығының және «KazService» Қазақстанның мұнай сервистік компаниялар одағының өкілдері қатысты.

Кеңес барысында Болашақта кеңейту жобасы Теңіз кен орнының өндірістік қуаттарын кезекті ірі ауқымды кеңейту болып табылатыны, оны іске асыру мұнай өндіру көлемін жылына 12 млн.тоннаға ұлғайтуға және Теңіздің жұмыс істеп тұрған өндірістік объектілерінің қуаттарын толық жүктеуді қамтамасыз етуге мүмкіндік беретіні атап өтілді.

Ведомство басшысы өз сөзінің қорытындысы бойынша жобаны іске асырудың жалпы прогресі мен жергілікті қамтудың жоспарлы көрсеткіштерінің ағымдағы деңгейі бойынша қанағаттанушылық білдірді, сондай-ақ жобаны іске асыруды жоспарланған мерзімде аяқтауды қамтамасыз ету бойынша шаралар қабылдау қажеттігін атап өтті.

Сонымен қатар, ТШО басшылығына қызметкерлерді босату және оларды ТШО-ның басқа объектілеріне тарту мүмкіндігі тұрғысынан осы қызметкерлерді даярлау және қайта даярлау мәселелерін қарастыра отырып, тұрақты мониторинг жүргізу қажеттілігі туралы атап өтті.

Анықтама ретінде: Болашақта кеңейту жобасының құны - 45,2 млрд.АҚШ долларын құрайды, жобаны аяқтау 2023 жылға жоспарланған. Болжам бойынша жобадағы қазақстандық қамту 36%- ды құрайды.

• 24.12.2021
• 605