Энергетика министрлігінде жыл қорытындылары мен іске асырылып жатқан мұнай-газ-химия жобаларының алдағы жоспарлары талқыланды

24 желтоқсанда ҚР Энергетика министрі Мағзұм Мырзағалиевтің төрағалығымен «KPI» ЖШС, «KLPE» ЖШС, «Шымкент химия компаниясы» ЖШС өкілдерімен ҚР Энергетика министрлігінің алқасы өтті, оның барысында                            2021 жылдың қорытындылары шығарылып, отандық мұнай-газ-химия жобаларын іске асырудың одан арғы жоспарлары талқыланды. Сондай-ақ іс-шараға Атырау облысы әкімдігінің, «Ұлттық индустриялық мұнай-химия технопаркі» АЭА БК» АҚ, «Мұнай-газ-химия өнімдерін өндірушілер мен тұтынушылар қауымдастығы» ЗТБ және «KAZENERGY» ЗТБ өкілдері қатысты.

ҚР Энергетика министрі өз сөзінде жыл қорытындысы бойынша мұнай-газ- химия саласында оң нәтижелер бар екенін, атап айтқанда қуаты жылына 57 мың тонна бензинге арналған октан күшейтетін қоспалар шығаратын зауыт іске қосылғанын, қуаты жылына 500 мың тонна полипропилен өндіретін 1-ші газ-химия кешенінің құрылысы аяқталу сатысында тұрғанын, сондай-ақ Атырау облысында мұнай-газ-химия АЭА инфрақұрылымының толық өндірістік объектілері пайдалануға берілгенін атап өтті.

Бензинге арналған октан күшейтетін қоспа өндірісінің жобасы бойынша ведомство басшысы «Шымкент химия компаниясы» ЖШС басшылығына белгіленген мерзімдерге сәйкес 2-кезеңнің іске асырылуын қамтамасыз етуді егжей-тегжейлі пысықтау қажеттігін атап өтті.

Қуаты жылына 500 мың тонна полипропилен өндіретін газ-химия кешенін іске асыруға қатысты бүгінгі күні іске қосу-баптау жұмыстары басталғаны, орындалған жұмыстардың барысы 97,2% құрайтыны атап өтілді, зауытты 2022 жылғы наурыздың соңына дейін пайдалануға беру жоспарлануда.

          Республика экономикасы үшін тағы бір маңызды жоба қуаты жылына                        1,25 млн.тонна полиэтилен жобасын іске асыру болып табылады, ол бойынша бүгінгі таңда стратегиялық әріптес анықталды.

Бұдан басқа «ҚазМұнайГаз» ҰК» АҚ «Татнефть» ЖАҚ компаниясымен қуаты жылына 186 мың тонна бутадиен жобасын бірлесіп іске асыру бойынша уағдаластыққа қол жеткізе алды.

«ҚазМұнайГаз» ҰК» АҚ қуаты жылына 186 мың тоннаны құрайтын бутадиен жобасын бірлесіп іске асыру бойынша «Татнефть» ЖАҚ компаниясымен келіссөздер жүргізуде.

Сонымен қатар Қазақстанда мұнай-газ секторын шикізаттық бағыттылықтан қосылған құны жоғары өнім шығаруға - мұнай-газ-химия өнеркәсібін дамытуға қайта бағдарлау бойынша тұрақты негізде үлкен жұмыс жүргізіліп жатқанын атап өтеміз.

Жалпы, мұнай-газ өндіруші елдердің мұнай-газ-химия өндірістерін құру арқылы өз экономикаларын әртараптандыру жалпы әлемдік тренд болып табылады.  Сала жоғары мультипликативтік әсерге ие, сабақтас салаларда өнеркәсіптік өндірістің дамуын ынталандырады және жоғары білікті жұмыс орындарын құруға мүмкіндік береді.

• 24.12.2021
• 211