Мағзұм Мырзағалиев ЖЖМ тапшылығын болдырмау бойынша әзірленген шаралар туралы айтты

28 желтоқсанда Қазақстан Республикасының Энергетика министрі Мағзұм Мырзағалиев Орталық коммуникациялар қызметінің алаңында сөйлеген сөзінде жанар-жағармай материалдарының (ЖЖМ) жетіспеушілігін болдырмау үшін Министрлік әзірлеген шаралар туралы егжей-тегжейлі айтып берді.

Мағзұм Мырзағалиев айтып өткендей, болашақта ЖЖМ тапшылығын болдырмау мақсатында мынадай шаралар әзірленетін болады:

Бірінші, бұл – мұнай өңдеу зауыттарының кеңейтілген жөндеуаралық кезеңіне көшу, яғни жөндеу мерзімдерін қысқарту.

Жылына бір рет үш мұнай өңдеу зауытының біреуіне ғана күрделі жөндеу жүргізуді көздейтін бесжылдық кезеңге арналған жөндеу кестесі әзірленді, бұл өндіріс көлемін жылдар бойынша теңестіруге мүмкіндік береді.  Ағымдағы жөндеу жұмыстары тек қажет болған жағдайда ғана жүргізілетін болады.

Екінші, бұл – 200 мың тонна көлемінде мұнай өнімдерінің резервтік қорларын құру (ҚМГ – 150 , ҚТЖ – 50 мың тн).

Үшінші, бұл – МӨЗ жөндеу жұмыстарының мерзімдерін үйлестіру және ауыл шаруашылығы тауарын өндірушілер (АШТӨ) үшін дизель отынын жөнелту, оған сәйкес АШТӨ үшін дизель отынын жөнелту ақпан айында, бұрынғы мерзімдерден бір ай бұрын басталады.

Төртінші. Мұнай базаларын есепке алатын бақылау аспаптарымен жарақтандыру, бұрын бұл мәселе бойынша заңдық база болмаған. Бүгінгі таңда әуежайлардың барлық мұнай базалары мен отын-құю кешендерін есепке алатын бақылау аспаптарымен міндетті жарақтандыру бойынша заңнамалық өзгерістер әзірленді (ірі базалар 2023ж. 01.07. бастап, ұсақ базалар 2024 ж. 01.07. бастап).

Сондай-ақ қысқа мерзімді және орта мерзімді перспективада өндірісті одан әрі ұлғайту үшін бірқатар іс-шаралар жоспарланған.

Шымкент зауытында 2022 жылы мұнай жүктемесін 5,2 млн.тоннадан 6 млн. тоннаға дейін арттыру жоспарлануда. Бұл шара ішкі нарықтағы өсіп келе жатқан сұранысты жабу үшін ЖЖМ өндірісін ұлғайтуға мүмкіндік береді. Технологиялық тәуекелдерге байланысты бұл зауыт бұрын 100% - ға жүктелмегенін атап өткен жөн.

Павлодар мұнай өңдеу зауытында 2025 жылға дейін гидротазарту қондырғысын қайта құру жобасы іске асырылатын болады, ол өнімділікті 6 млн. тоннаға дейін ұлғайтуға (қазір 5,4 млн.тн) және бұрын өндірілмеген қысқы дизель отынын 160 мың тонна көлемінде өндіруге мүмкіндік береді.

Ақтау битум зауытын жаңғырту битумның өндіріс қуатын жылына 400-ден 450 мың тоннаға дейін ұлғайтуға мүмкіндік береді. Сондай-ақ жеке инвесторлар Түркістан облысында МӨЗ салу жөніндегі жобаларды іске асыруда, оларды 2023 жылы аяқтау жоспарланып отыр.

• 28.12.2021
• 254