Қазақстан мен Өзбекстан Сырдария трансшекаралық өзенін сақтау және қалпына келтіру бойынша жұмыс жоспарын бекітті

Осы айда мен Алматы қаласында өткен Сырдария өзені бассейнінің қоршаған ортаны қорғау және су сапасы мәселелері қатысты Қазақстан мен Өзбекстанның бірлескен жұмыс тобының (комиссиясының) төртінші отырысына қатыстым.

Отырыстың мәселесі  Сырдария өзені суының сапасына арналды.

Іс-шараға бақылаушы ретінде Қырғызстан мен Тәжікстан Республикаларының өкілдері шақырылды.

Мен қазақстандық делегацияның атынан, ал өзбек делегациясының атынан Өзбекстан Республикасының Экология және қоршаған ортаны қорғау жөніндегі мемлекеттік комитеті төрағасының бірінші орынбасары Ж.С. Қазбеков қатысты.

Отырыс барысында келесі мәселелер қаралды:

1) су сынамаларын келісілген іріктеу нәтижелері және Сырдария өзені суының сапалық жай-күйі бойынша деректермен алмасу, Сырдария өзені суы сапасының жай-күйін бірлесіп бақылау нәтижелері бойынша Тараптардың әрқайсысына талдамалық есеп ұсынылды.

  2) Тараптар Қазақстан-Өзбекстан бірлескен жұмыс тобының Сырдария өзені бассейнінің қоршаған ортаны қорғау және су сапасы мәселелері жөніндегі 2021 жылғы жұмыс жоспарының қорытындыларын шығарды.

3) қырғыз және тәжік тараптарының бақылаушылары Сырдария өзені суының сапасын мониторингілеу бойынша ағымдағы жағдай туралы жалпы ақпарат ұсынды

4) су сапасы мәселелерін басқару мен жоспарлаудағы бассейндік тәсілдің артықшылықтары бойынша халықаралық сарапшылардың тәжірибесі, "штаттан тыс жағдайлар кезінде Сырдария өзенінің ластануының алдын алу және оған ден қою тетіктерін жетілдіру"жобасы бойынша ақпарат талқыланды.

Біздің тарапымыздан Қазақстан Республикасының Үкіметі мен Өзбекстан Республикасының Үкіметі арасындағы Қоршаған ортаны қорғау және табиғатты ұтымды пайдалану саласындағы ынтымақтастық туралы келісімді іске асыру шеңберінде Сырдария трансшекаралық өзенінің экожүйесін сақтау және қалпына келтіру жөніндегі 2023-2025 жылдарға арналған іс-шаралар бағдарламасын қабылдау мүмкіндігін қарау ұсынылды.

Өз кезегінде байқаушылар отырыста алынған тәжірибеге сүйене отырып, бірлескен жұмыс тобына қосылу мүмкіндігін қарастыруды ұсынды.

Отырыс соңында Қазақстан-Өзбекстан бірлескен жұмыс тобының (ЖТ) Сырдария өзені бассейнінің қоршаған ортаны қорғау және су сапасы мәселелері жөніндегі 2022 жылға арналған жұмыс жоспары бекітілді.

• 29.12.2021
• 403