2021 жылдың желтоқсан айының 3-ші онкүндігіне қысқаша агрометеорологиялық шолу

Желтоқсанның үшінші онкүндігінде еліміздің оңтүстігінің және оңтүстік-шығысының күздік дәнді дақылдар себілетін аудандарында температуралық фон нормадан 2...8ºС төмен және жауын-шашын нормадан жоғары болған (130-300%). 

Тұрақты қар жамылғысы көбінесе Алматы және Түркістан облыстарының таулы және тау бөктеріндегі аудандарында күздік дақылдар егістіктерінде байқалған, Жамбыл облысында қар болмаған, кей жерлерде 1 см дейін қар жауған, бұл ауа температурасының төмендеуі кезінде күздік дақылдардың қатып қалуына әкелуі мүмкін.

Алматы облысында 3-4 күн бойы және Жамбыл мен Түркістан облыстарында 2-5 күн бойы орын алған қарқынды жылымық, нашар дамыған күздік бидай егістіктерінің қысқы төзімділігіне әсер етуі мүмкін (көктеу және 3-жапырақ фазалары).

Батыс Қазақстан облысында күздік дәнді дақылдар себілетін аудандарда тұрақты қар жамылғысы (22 см дейін) сақталған, ол топырақ бетінде біркелкі таралған кезде өсімдіктерге қорғаныш болады, сондықтан топырақ бетінің төменгі температурасы (минус 29ºС) қыстауға соншалықты қауіпті емес.

2021 жылдың желтоқсанның 3-ші онкүндігіне арналған агрометеорологиялық шолумен, толығырақ келесі сілтеме арқылы өтіп, таныса аласыз: https://www.kazhydromet.kz/ru/agrometeorology/kratkiy-obzor-agrometeorologicheskih-usloviy

• 11.01.2022
• 213