Темір жол қатынасы толығымен қалпына келтірілді

7 қаңтардағы жағдай бойынша «ҚТЖ» ҰК» АҚ желісінде жолаушылар және жүк пойыздарының қозғалысы толығымен қалпына келтірілді. 

Бұрын жабылған Мақат, Арал-Теңіз, Бейнеу, Маңғыстау, Сексеул станциялары арқылы жолаушылар пойыздарының жүруі қамтамасыз етілді. 

Наразылық білдірушілердің әрекетіне байланысты жабылған барлық бекеттер көлік қозғалысына ашық. Қазіргі уақытта кешіктірілген барлық пойыздар межелі станцияларға бағытталды.

Бұрын уақытша тоқтаған  25 жолаушылар пойызы сағат 14.00-ден бастап кестеге сәйкес жүріп бастады. Алайда, алдыңғы күндері пойыздардың жүру жолындағы кідірістерін ескере отырып, олардың кейбіреулері құрамдардың қалыптасу пункттеріне келуіне қарай кесте бойынша жөнелтілетін болады. 

Жүрмей тұрып қалған 129 жүк пойызының 75 құрамы уақытша тоқтап тұр. "ҚТЖ "ҰК" АҚ интернет пен банк операциялары қалпына келтіргенге дейін негізгі экономика құраушы кәсіпорындар мен көлік компаниялары үшін төлемдерді кейінге қалдыру туралы шешім қабылдады.  "ҚТЖ" ҰК " АҚ ТЖ режимінің әрекет ету кезеңінде нормативтен тыс кідірістер үшін айыппұл санкцияларын ұсынбайды.  

 "ҚТЖ "ҰК" АҚ түнгі уақытта жол жүретін жолаушыларға қолданыстағы шектеулерге байланысты вокзалға алдын ала ертерек келуді ескертеді. Жолаушыларға жол жүру билетін діттеген жеріне жеткенге дейін сақтау қажет.

Сонымен қатар, төтенше жағдай кезінде «Жолаушылар тасымалы» АҚ жасақтаған пойыздарда кез-келген бағытта жүруден бас тартқан жағдайда жолаушыларға билет құны толық төленетінін хабарлаймыз. Ақша алу үшін жолаушылар 6 ай ішінде билет кассаларына жүгіне алады.

«ҚТЖ» ҰК» АҚ БАСПАСӨЗ ҚЫЗМЕТІ

• 11.01.2022
• 221