Құрметті Маңғыстау облысының тұрғындары!

Президенттің Жарлығымен бүкіл ел бойынша төтенше жағдай режимі енгізілген болатын.
Бүгінгі күні біздің облыста жағдай тұрақты негізде сақталуда, объектілер мен қалалық қызметтер штаттық режимде жұмыс істеуде.
Өкінішке орай, біздің еліміздің кейбір өңірлерінде лаңкестік элементтер салдарынан жаппай тәртіпсіздіктер мен тонау фактілері орын алғаны баршаңызға белгілі. Біз ондай жағдайлардың орын алғандығын қаламаймыз және оған жол бермейміз.
Өңір тұрғындарына шыдамдылық пен жауапкершілік танытқаны үшін, сондай-ақ өз талаптарын бейбіт түрде білдіргені және қалыптасқан жағдайды түсінгені үшін алғыс айтқым келеді.
Алайда, қақтығыстың пайда болуына және өршуіне әкелуі мүмкін арандатушылық әрекеттердің ықтималдығы жоғары.
Облыстың барлық тұрғындары мен қонақтарын Қазақстан Республикасы заңнамасының талаптарын сақтауға шақырамын.
Құқықтық тәртіпті сақтау және азаматтардың қоғамдық қауіпсіздігін қамтамасыз ету мақсатында біз облыстың қалалары мен елді мекендерінің көшелерін патрульдеуді ұйымдастырамыз.
Елді мекендер арасында және облыстан шығатын жерлерде блок-бекеттер қойылады, өткізу режимі ұйымдастырылады.
Коменданттық сағат 23.00-ден 07.00-ге дейін енгізілді.
Төтенше жағдай режиміне сәйкес, барлық полиция қызметкерлері қаруланған және Ел Президентінің тікелей бұйрығымен заңда қарастырылған жағдайларда қаруды қолдануға рұқсат етіледі.
Барлық жүргізушілер көлікті басқарар алдында көлік құралында мемлекеттік тіркеу нөмірлік белгілерінің бар екендігіне көз жеткізуге және заңнамаға сәйкес өзімен бірге қажетті құжаттарының болуы міндетті.
Автокөлік жолдарын жабатындардың, әрекеттерінің заңсыз, облыстың экономикалық және қоғамдық жағдайына әсер ететіндігін қаперлеріңізге беремін.
Біздің облысымыздағы барлық азық – түлік өнімдері мен тауарлар сырттан әкелінеді. Отын жеткізу объективті түрде қиындап, бағалар көтеріле бастайды, халықтың әлеуметтік әл-ауқаты нашарлайды. Бұған жол бермеңіздер.
Маңғыстау облысының коменданты Бақтыбаев Жанарбек.

• 11.01.2022
• 172