Құрметті Маңғыстау облысының тұрғындары және қонақтары!

Қаланы арнайы автокөлікпен автоматты қарумен қаруланған полиция мен әскерилердің күшейтілген жасағы патрульдеуде.

Қойылған блок-бекеттер автокөліктерге, сондай-ақ көлік ішіндегі адамдарға тексеріс жүргізуде.

Өткен екі түнде әртүрлі объективті себептермен коменданттық сағат кезінде көшеде жүрген 66 азамат анықталды. 

Олардың өздерімен жеке басын куәландыратын құжаттары болды және де өздерін агрессивті ұстағандар кездеспеді.

Олардың барлығы Қазақстан Республикасының Әкімшілік құқық бұзушылық туралы кодексінің 476-бабына сәйкес, бір жолға ескертулер алды. Келесіде төтенше жағдай режимін бұзғаны үшін, әкімшілік жауапкершілікке тартылатын болады.

Бұдан басқа, 105 автокөлік тексеріліп, оның 54-і әр түрлі жол қозғалысы ережелерін бұзғаны үшін арнайы тұраққа қамалды.

Біздің жұмысымыздың басты бағыты - өңірдегі қауіпсіздікті қамтамасыз ету, азаматтардың өмірі мен денсаулығын қорғау.

Біз құқық қорғау күштеріне белсенді қолдау көрсеткен және облыс орталығында да, бүкіл облыс бойынша да жағымсыз жағдайлардың дамуына жол бермеген тұрғындарға алғыс айтамыз.

Бүгінде маршруттық қоғамдық көліктердің қозғалысы, сондай-ақ әуе қатынасықалпына келтірілді, әуежай мен теміржол вокзалы штаттық режимде жұмыс істеуде.

Бұдан бұрын да айтып кеткенімдей 109 нөмірі бойынша колл-орталық жұмыс істейді.

Коменданттық сағат кезеңінде азаматтар мен автокөліктердің жүріп-тұруына рұқсат қағаз беру ұйымдастырылды.

Маңғыстау облысы коменданты Жанарбек Бақтыбаев.

• 11.01.2022
• 180