Бос мемлекеттік лауазымдарға кіруге үміткерлерді тестілеудің 2021 жыл бойынша қорытындысы

«Мемлекеттік қызметтің персоналын басқару ұлттық орталығы» АҚ (бұдан әрі – Орталық) «Бос мемлекеттік әкімшілік лауазымға орналасуға үміткерлерді және құқық қорғау қызметіне алғаш рет кіретін азаматтарды тестілеу» бойынша мемлекеттік қызмет көрсету үшін халыққа жауапты.

Талаптарға сәйкес келетін жеке тұлғалардың мемлекеттік қызметке орналасуға тең қол жеткізуге құқығы бар. Тестілеу арқылы мемлекеттік қызметке кіруге алғашқы іріктеу жүргізіледі. Қазақстанның 21 қаласында, оның ішінде облыстық маңызы бар барлық қалаларында және аудандық маңызы бар Арқалық, Балқаш, Жезқазған және Семей қалаларында тестілеу залдары бар.

Жалпы, 2021 жылы тестілеу процесі үздіксіз және елеулі төтенше оқиғаларсыз жүргізілді. Өткен жылы бос мемлекеттік лауазымға орналасу үшін барлығы 110 520 адам тестілеуден өтті.

Оның ішінде мемлекеттік қызметке кіру үшін 61 244 үміткер және құқық қорғау қызметіне алғаш рет кіретін 49 276 азамат іріктеу процесінен өтті.

«Б» корпусына үміткерлер белгіленген ҚР заңдарын білуге арналған тесттен және құзыреттіліктің Бірыңғай шеңбері бойынша жеке құзыреттерді бағалаудан (ЖҚБ) өтеді.  43 719 үміткердің  ішінен 15 264 адам тестті сәтті тапсырды, бұл 34,9% - ды құрайды. Тиісінше, заңнаманы білуді анықтау тесттен үміткерлердің көпшілігі өте алмай қалғандар – 64,9%-ын құрады.

ЖҚБ бойынша жеке құзыреттерді бағалаудан өткен орташа пайыз өтілген нәтижемен шамамен 84% - ды құрайды.

Құқық қорғау қызметіне алғаш рет кіретін азаматтар заңдарды білуді бағалау тестін тапсырады және жеке қасиеттерін бағалаудан (ЖҚБ) өтеді.  Заңдарды білуді бағалаудан «өтті» нәтижесімен өткен 35 138 адамның ішінен – 14 128 үміткер, бұл аймақтар бойынша орташа санағанда 40% - ды құрайды. Жеке қасиеттерін бағалауды өткен кезінде 10 133 адам (71,7%) жеткіліктіліктің шекті деңгейінен өтті.

Үміткерлерге тесттен өту үдерісіне неғұрлым байсалды қарау, тестке мұқият дайындалу, өзін-өзі басқаруды пысықтау қажет: кешікпеу, дұрыс қарым-қатынас жасауды үйрену, сондай-ақ өзін халыққа адал және риясыз қызмет етуге моральдық тұрғыдан дайындалу маңызды құзыреттер болып табылады.

• 20.01.2022
• 305