2022 жылдың қаңтар айының 2-ші онкүндігіне қысқаша агрометеорологиялық шолу

Қаңтардың екінші онкүндігінде республиканың оңтүстігінде және оңтүстік-шығысында күздік дақылдар себілетін аудандарында температуралық фон нормадан 6...10ºС, батыста 2...3ºС жоғары болған.  Жауын-шашын көбінесе нормадан жоғары жауған, бұл топырақта ылғал қорының қалыптасуына қолайлы болады.

Шымкент станциясының маңайында онкүндіктің екінші және төртінші күндерінде оң ауа температурасы фонында күздік бидай өсімдіктерінің қайта дамуы байқалады. Даму фазасы «3-ші жапырақ» кезеңі, өсімдіктердің жағдайы қанағаттанарлық.

Алматы облысының күздік дақылдар егілген алқаптарында тұрақты қар жамылғысы байқалады (7-11 см). Жамбыл және Түркістан облыстарында көбінесе қар жоқ, бұл ауа температурасының төмендеуі кезінде күздік дақылдардың қатып қалуына әкелуі мүмкін.

Батыс Қазақстан облысында күздік дәнді дақылдар себілетін аудандарында тұрақты қар жамылғысы (24-29 см) сақталуда, ол топырақ бетінде біркелкі таралған кезде өсімдіктерге қорғаныш әсер етеді, сондықтан топырақ бетінің төменгі температурасы (минус 16...18ºС) қыстап шығу үшін соншалықты қауіпті болмаған.

Елдің оңтүстігінде күздік бидайдың түптену тереңдігіндегі топырақтың ең төменгі температурасы 0ºС минус 2ºС дейін және оңтүстік-шығыста 0ºС минус 7ºС дейін (Қырғызсай станциясы) ауытқыған.

2022 жылдың қаңтардың 2-ші онкүндігіне арналған агрометеорологиялық шолумен, толығырақ келесі сілтеме арқылы өтіп, таныса аласыз: https://www.kazhydromet.kz/ru/agrometeorology/kratkiy-obzor-agrometeorologicheskih-usloviy

• 25.01.2022
• 217