"Қазгидромет" РМК 2022 жылғы су тасқына жағдайын бағалауға қатысуда!

2022 жылдың 25-26 қаңтары аралығында Қазгидрометтің мамандары, ҚР ТЖМ өткізген "Қазақстан-ғарыш сапары" ҰК" АҚ ғарыштық мониторинг мүмкіндіктерін пайдалану" тақырыбы бойынша нұсқаулық-әдістемелік сабаққа қатысты.

Мұнда "Қазгидромет" РМК мамандары ұсынылған гидрометеорологиялық ақпарат, көктемгі су тасқыны/ағымның болжамдары, гидрологиялық болжаудың сандық әдістерін қолдану, қар жамылғысын спутниктік бақылау деректері, негізгі гидрометеорологиялық жұмыстар туралы, сондай-ақ Гидрометқызметтің шығаратын өнімдері туралы, 2022 жылғы көктемгі су тасқыны кезеңінің алдында, ағымдағы гидрометеорологиялық жағдай туралы баяндамалар ұсынды.

Сондай-ақ, "Қазгидромет" РМК, Қазақстанның жазық және таулы өзендерінің көктемгі су тасқынының ағынын болжау және өзендерінің ағынын болжаудың сандық модельдерін бейімдеу —HBV, SWIM бойынша жаңартылған, басшылыққа алынатын құжаттар бойынша баяндамалар ұсынды.

Оған қоса, Қостанай обл. Жоғарғы Тобыл және Қаратомар, және де Ақтөбе обл. Ақтөбе және Қарғалы су қоймаларына су ағынын болжау бойынша, біздің Ғылыми-зерттеу орталық жасап шығарған әдістемелік зерттемелер ұсынылды, олар алдағы су тасқыны кезеңінде сынақтан өткізіледі.

Бұдан бөлек, көктемгі су тасқыны кезеңіндегі өзара іс-қимыл алгоритміне қатысты өзекті мәселелер талқыланды. Солайша, қатысушылар бірлескен семинарлар мен осындай сабақтарды өткізудің маңыздылығы мен уақытылығын атап өтті.

• 27.01.2022
• 197