Сәтбаев қаласында жұмыс сапарымен болып, құрылыс нысандарындағы жұмыстармен таныстық

1 шілдеге дейін балабақшаны, ал 1 қыркүйекке дейін Оқушылар сарайын салып бітіруді тапсырдым.

Алдағы екі апта ішінде футбол манежінде жылу жабдықтарын орнату жұмыстары аяқталады, бұл спортшыларға жылдың кез-келген уақытында жаттығуға мүмкіндік береді.

Тұрғындар тарапынан мұз сарайының жай-күйіне байланысты шағымдар айтылған еді. Қазір мұнда жаңа металл күмбезді салу жұмыстары аяқталуда. Ғимараттағы бөлмелер жылытқыштармен және жаңа желдету жүйесімен жабдықталған. Қазіргі уақытта хоккей корты жұмыс істеп тұр. Сондай-ақ ғимараттың ішін жөндеуге тиісті қаражат бөлінеді.

Ал мамыр айында бассейнді жөндеу жұмыстары аяқталады.

Қала басшысы Асқар Ыдырысовқа құрылысты созбауды және барлық жұмыстарды қысқа мерзімде аяқтауды тапсырдым.

Сондай-ақ, қала активімен, депутаттармен және Қоғамдық кеңес мүшелерімен кездесіп, азаматтарды жеке қабылдауды өткіздім.

Өткен жылы қаланы сапалы ауыз сумен қамтамасыз етудің маңызды мәселесі шешіліп, қоғамдық орындар абаттандырылды. Бірақ шешуді қажет ететін мәселелер әлі де көп.

Азаматтар қала басшылығы мен коммуналдық қызметтердің жұмысына наразы.

Тұрғын үй құрылысы, спорт нысандарын жөндеу, медициналық мекемелердің жағдайы және медициналық кадрлардың жетіспеушілігі, абаттандыру,инженерлік желілердің тозуы мен апатты үйлер бойынша көптеген мәселелер мен шағымдар баршылық. Бүгінгі күні қала бойынша 13 көппәтерлі тұрғын үй апатты деп танылды.

Бұл ретте әр мәселенің маңыздылығын атап өткім келеді. Олардың барлығы да назардан тыс қалмайды.

• 02.02.2022
• 204