ҚР Энергетика министрі мұнай өнімдерін өндіру бойынша ағымдағы жағдай туралы айтты

3 ақпанда ҚР Энергетика министрі Болат Ақшолақов Орталық коммуникациялар қызметінде сөйлеген сөзінде мұнай өнімдерін өндіру бойынша ағымдағы жағдай, 2022 жылға арналған жоспарлар, жанар-жағармай материалдарының (ЖЖМ) қорлары туралы, сондай-ақ Мемлекет басшысының ЖЖМ өндіру және бөлу жүйесін реформалауға қатысты тапсырмасын орындау және ЖЖМ тапшылығын болдырмау жөніндегі шаралар туралы айтып берді.

Сондай-ақ, брифинг барысында ведомство басшысы Қазақстанның мұнай өнеркәсібінің 2022 жылға арналған негізгі көрсеткіштеріне егжей-тегжейлі тоқталды:

2021 жылдың 12 айында ҚР МӨЗ-дерінде мұнай өңдеу көлемі 17,028 млн тоннаны құрады, бұл 2020 жылдың сәйкес кезеңімен салыстырғанда 107,7%.

Сонымен қатар 2021 жылдың 12 айында мұнай өнімдерін өндіру көлемі: автобензиндер - 4812,8 мың тонна немесе 2020 жылдың ұқсас кезеңіне 107,3 %; дизель отыны - 4870,2 мың тонна немесе 2020 жылдың ұқсас кезеңіне 107 %; авиаотын - 586,5 мың тонна немесе 2020 жылдың ұқсас кезеңіне 133,9%; мазут-2410,4 мың тонна немесе 2020 жылдың ұқсас кезеңіне 116,6%-ды құрады.

2022 жылға арналған жоспарлар мынадай.

2022 жылға жоспарланған мұнай өңдеу көлемі 17,9 млн. тоннаны құрайды, бұл 2021 жылғы көрсеткіштен 5,1% - ға артық; автобензин -4985 мың тонна, бұл 2021 жылғы көрсеткіштерден 3,5% - ға артық; дизель отыны-5133 мың тонна, бұл 2021 жылғы көрсеткіштерден 5,4% - ға артық; авиаотын-686,7 мың тонна, бұл 2021 жылғы көрсеткіштерден 17% - ға артық.

Сондай-ақ,энергетика министрі Болат Ақшолақов МӨЗ-дің тұрақты жұмысының арқасында қазіргі уақытта мұнай өнімдерінің қажетті қалдықтары қалыптасқанын атап өтті.

Ағымдағы жылғы 2 ақпандағы жағдай бойынша дизель отынының жиынтық қалдықтары 315,4 мың тоннаны құрайды (1 қазанмен салыстырғанда қалдықтар 113,8 мың тоннаға артты).

АИ-92 маркалы бензин қоры 299,2 мың тоннаны құрайды  (1 қазанмен салыстырғанда қалдықтар 69,7 мың тоннаға артты).

• 03.02.2022
• 191