2022 жылдың қаңтар айының 3-ші онкүндігіне қысқаша агрометеорологиялық шолу

Республиканың оңтүстігінің және оңтүстік-шығысының күздік дәнді дақылдар себілетін аудандарында қаңтардың үшінші онкүндігінде температуралық фон көбінесе нормадан 1...6°С жоғары және батыста 0°С плюс 7°С дейін, жауын-шашын көбінесе нормадан төмен болған.

Түнгі теріс ауа температурасының оңтүстікте минус 12ºС дейін және оңтүстік-шығыста минус 10...19ºС дейін, Алматы облысының кей жерлерінде минус 22...27ºС дейін ауысуы кезіндегі жиі орын алған жылымық нашар дамыған күздік бидай дақылдарына зиян келтіруі мүмкін.

Алматы облысының күздік дақылдар себілген аудандарда қар жамылғысының биіктігі 2-ден 4 см дейін, кей жерлерде 9-15 см болған кезде, орташа онкүндік ауа температурасы минус 2...8ºС, таулы және тау бөктеріндегі аудандарда минус 12...16ºС құраған, бұл күздік дақылдарды қыстауына қанағаттанарлық жағдай жасаған.

Жамбыл және Түркістан облыстарында орташа онкүндік ауа температурасы минус 1 ... 7ºС құраған, қар жамылғысы көбінесе болмаған, кей жерлерде 2-3 см жеткен, бұл ауа температурасы төмендеген кезде дақылдардың қыстау жағдайына әсер етуі мүмкін.

Шымкент станциясының маңайындағы бақылау учаскелерінде күздік бидай вегетациясының тоқтауы байқалған.

Батыс Қазақстан облысында күздік дәнді дақылдар себілген аудандарда тұрақты қар жамылғысы (21-29 см) сақталуда, ол өсімдіктерге қорғаныс әсерін тигізген, сондықтан топырақ бетінің төменгі температурасы (минус 25-26ºС) қыстап шығу үшін соншалықты қауіпті болмаған.

2022 жылдың қаңтардың 3-ші онкүндігіне арналған агрометеорологиялық шолумен, толығырақ келесі сілтеме арқылы өтіп, таныса аласыз: https://www.kazhydromet.kz/ru/agrometeorology/kratkiy-obzor-agrometeorologicheskih-usloviy

• 04.02.2022
• 169