Аграрлық несие корпорациясы АӨК дамытуға бағытталған түрлі жобаларды қаржыландырады

Аграрлық несие корпорациясы АӨК дамытуға бағытталған түрлі жобаларды қаржыландыра отырып, елдің азық-түлік қауіпсіздігін қамтамасыз етуге өз үлесін қосып келеді. Осындай кәсіпорындардың бірі - құс етін өндіретін «Ақ-Дала Агро» ЖШС фабрикасы. Ақмола облысының Аршалы ауданындағы өндірістің өнімдері биыл алғаш рет елорданың және басқа да өңірлердің сауда нүктелерінде сатыла бастады.

Кәсіпорында технологиялық жабдықтары бар 24 құс үйі салынды. Барлық өндірістік цикл жолға қойылып, дайын өнімдер шығарыла бастады.

«Толық қуаттылыққа шыққан кезде өнімдеріміздің бір бөлігі экспортқа кетеді. Бізде қазірдің өзінде Орталық Азия, Қытай, Ауғанстан, Иран, Үндістан елдерімен алдын ала келісіміміз бар. Аграрлық несие корпорациясының кредиттік бағдарламасы біз үшін төмен мөлшерлемесімен өте тиімді болды. Сонымен қатар, олар 2 жылға дейінгі демалыс кезеңін ұсынады. Бұл біз үшін керемет қолдау» - деп атап өтті «Ақ-Дала Агро» ЖШС Бас директоры Марат Қарсыбаев.

Құс фабрикасының аумағында инкубаторлар, сою және жемшөп цехтары, шұжық және консерві өнімдерін өндіруге арналған ғимараттар бар. 2022 жылдың қаңтарында кәсіпорында  «табака балапаны» өнімінің алғашқы партиясы өндірілді.

• 15.02.2022
• 310