Қазақстанның туроператорлары үшін ауа райын болжау бойынша дөңгелек үстел

2022 жылдың 16 ақпанында "Қазгидромет" РМК, ішкі туризмге маманданған отандық туристік компаниялармен дөңгелек үстел өткізді. Кездесудің мақсаты — Қазақстанның туристік маршруттарының пункттері бойынша ауа райы болжамын талқылау болды.

Атап өтсек, 2022 жылдан бастап "Қазгидромет" РМК ресми сайтында, туристер арасында танымал пункттер бойынша ауа райы болжамы көрсетілетін  web парақша құрылды:  https://www.kazhydromet.kz/ru/weather/touristic_city/13/0

Қазіргі уақытта туристік аймақтардың пункттері бойынша болжам сегіз облысты қамтиды: Алматы, Ақмола, Шығыс Қазақстан, Қарағанды, Павлодар, Түркістан және Маңғыстау.

Туристік маршруттар үшін ауа райы болжамы, болжаудың сандық әдістері негізінде әзірленеді. Бұл әдіс үшін бастапқы деректер ретінде жер үсті метеостанциялардан, аэрологиялық станциялардан және метеоспутниктерден алынған ақпарат пайдаланылады. Аталмыш модель, ғаламдық немесе жергілікті болуы мүмкін. Болжамда, алдағы 3-7 күнге, ауа температурасы, желдің күші, жауын-шашын және атмосфералық қысым тармақтары бойынша деректер көрсетіледі.

Іс-шараға офлайн және онлайн форматта, туризм саласының өкілдері қатысты. Дөңгелек үстелге қатысушылар, туристік аймақтарда болжауды одан әрі дамытуға өз тілектерін білдірді. Отырыс барысында, туристер мен операторлар үшін қажетті ақпарат айтылды.

Кездесу қорытындысы бойынша, "Қазгидромет" РМК өзінің шығаратын болжамдары, отандық туристерге демалысты барынша қызықты өткізуге және саяхат үшін қолайлы ауа райы бар күндерді таңдауға көмектеседі деген үміт білдірді.

• 17.02.2022
• 191