Қазгидромет "Тұқым-2022" тұқым күні" 1-ші қазақстандық конференциясында, ұзақмерзімді болжамды жариялады

2022 жылдың 18 ақпанында "Тұқым-2022" тұқым күні" 1-ші қазақстандық конференциясы басталды.

Конференцияға қатысушылар: ҚР Ауыл шаруашылығы министрлігі, "Ауылшаруашылығы дақылдарын сорттық сынау жөніндегі мемлекеттік комиссия" РММ, "Қазақстан егін өсірушілер одағы"ЗТ, "Атамекен-Агро "АҚ, "Қазақстандық аграрлық сараптама" АҚ, "Қазақстан Ғарыш Сапары" ҰК" АҚ, "Агросақтандыру қауымдастығы" ЗТ, "Қазақстан фермерлер қауымдастығы" ЗТБ, ҚР-дағы АҚШ елшілігінің өкілдері және басқалар.

ҚР ЭГТРМ "Қазгидромет" РМК бас директоры — Данара Әлімбаева, "Агрометеорологиялық мониторинг. Ағымдағы жағдай және 2022 жылдың көктеміне болжам" туралы баяндама жасады. Баяндамада — Қазақстан аумағында агрометеорологиялық мониторинг жүргізу, қыс мезгіліне кетер алдындағы алқаптардың жағдайы және осы қыс ішіндегі қалыптасқан жағдайлар, сонымен қатар 2022 жылдың көктеміне арналған ауа райы болжамы жайында айтылды.

Сондай-ақ, 2022 жылға арналған, Қазақстанда тұқым шаруашылығын дамыту, тұқымдармен, тыңайтқыштармен және ӨҚҚ-мен қамтамасыз етудің өзекті тақырыптарында спикерлердің сөз сөйлеуі жарияланды.

Аталмыш конференция, Қазақстанның ауыл шаруашылығы тауарын өндірушілерді сапалы тұқымдармен қамтамасыз етудің өзекті мәселесіне арналған. Бағдарламада, тұқым шаруашылықтары мен ӨҚҚ және тыңайтқыштарды жеткізушілер көрмесін өткізу көзделген.

"Тұқым-2022" тұқым күні" — бұл пайдалы танысу, кәсіби тәжірибе алмасу, ынтымақтастық мүмкіндіктері.

• 18.02.2022
• 179