Құрылыс, білім беру, экономика және бюджеттік жоспарлау басқармаларымен өңірдегі мектеп құрылысы мәселесі бойынша кеңес өткіздім

Құрылыс, білім беру, экономика және бюджеттік жоспарлау басқармаларымен өңірдегі мектеп құрылысы мәселесі бойынша кеңес өткіздім. Бүгінгі таңда Риддерде және Қасым Қайсенов кентінде 600 орындық білім беру мекемесінің құрылысы аяқталуда. Семейде екі мектеп те аяқталуға жақын, тек аумақты абаттандыру ғана қалды. Ал Шемонаиха ауданындағы мектеп жеке инвестициялар есебінен салынуда.
Сондай-ақ, жақсы нәтиже көрсете білген үлгілік жобаларды пайдалана отырып, біз Ұрынхайка, Жолмұқау, Шеңгелді, Малақ, Жыланды, Қапай батыр және Кеңтарлау ауылдарында бірнеше шағын жинақты мектептер салатын боламыз. Үлгілік жобалар бюджетті жаңа құжаттамаға жұмсамауға мүмкіндік береді, ал осы жобалармен жұмыс жасаған мердігер компаниялар өздерін жақсы жағынан көрсете білді. Қазіргі таңда Аягөз, Семей қалалары мен Өскемендегі Нұрлы Жол ауданында мектептер салу бойынша конкурстық рәсімдер аяқталуда. Білім беру басқармасына оқу орындарын қайда және қанша орынға салу керектігі туралы деректерді өзектендіруді тапсырдым. Сонымен қатар, мектеп-интернаттар салу мәселесін де қарастыру қажет. Балаларға білім беру-бұл басым бағыт, сондықтан жаңа мектептер заманауи білім беру жүйесінің барлық талаптарына сай салынуы қажет.

• 22.02.2022
• 229