Ақтөбе облысында су тасқыны кезеңіне дайындық күшейтілуде

Ақтөбе облысының әкімі Оңдасын Оразалин жергілікті өзін өзі басқару органдары мен жедел қызмет көрсету мекемелеріне келе жатқан көктемгі тасқынға дайындықты күшейтуді тапсырды.

"Күннің тез жылып кетуі байқалады. Өңірді көктемгі тасқынға дайындау үшін қарастырылған шараларды қарқындату керек",- деді Оңдасын Оразалин.

Ол елді мекендердегі, әсіресе облыс орталығындағы қарды шығару жұмыстарын тездетуді талап етті.

Өңір басшысы: "Қала мен аудан әкімдері, осы сұрақты қатаң бақылауға алыңыздар. Елді мекендер көлік қозғалысынсыз қалмас үшін тасқын қаупі бар жерлер, облыстық, республикалық жолдар секілді тәулік бойы бақылауда болу қажет. Жағдай үнемі бақыланып отыру керек",- деп атап өтті.

• 22.02.2022
• 163