2022 жылдың ақпан айының 2-ші онкүндігіне қысқаша агрометеорологиялық шолу

Ақпанның бірінші онкүндігінде оңтүстік-шығыстың және республиканың батысының күздік дәнді дақылдар себілген аудандарында температуралық фон нормадан 1...6ºС жоғары, Алматы облысының таулы және тау бөктері аудандарында 1...3ºС төмен болған, жауын-шашын көбінесе нормадан төмен жауған, мол жауын-шашын Алматы облысының таулы және тау бөктері аудандарында байқалған.

Түркістан және Жамбыл облыстарының егістіктерінде қар жамылғысының болмауы қатты аяз кезінде күздік дақылдардың қыстап шығуына әсер етуі мүмкін. Алматы облысында қар жамылғысының биіктігі 9-18 см дейін жеткен, осындай ауа райы жағдайында бұл аудандарда күздік дақылдардың қыстауы қолайлы жағдайда өтуде.

Түркістан облысының Ошақты агропосты мен Шымкент станциясының маңайындағы бақылау учаскелерінде оң ауа температурасының аясында күздік бидай мен жоңышқа шөптерінің қайта өсіп-өнуі басталғаны байқалады.

Алматы облысында күздік бидайдың түптену тереңдігіндегі (3 см) топырақтың минималды температурасы көбінесе 0ºС минус 3ºС дейін, Кеген станциясының маңайында минус 12ºС, Жамбыл облысында минус 4ºС және Түркістан облысында 0ºС минус 1ºС дейін ауытқыған.

2022 жылдың ақпан айының 2-ші онкүндігіне арналған агрометеорологиялық шолумен, толығырақ келесі сілтеме арқылы өтіп, таныса аласыз: https://www.kazhydromet.kz/ru/agrometeorology/kratkiy-obzor-agrometeorologicheskih-usloviy

• 23.02.2022
• 233