ҚР Энергетика министрлігінде мұнай-газ-химия жобаларын дамыту мәселелері талқыланды

22 ақпанда Қазақстан Республикасының Энергетика министрі Б. Ақшолақовтың «Сибур Холдинг» ЖАҚ компаниясының Басқарма Төрағасы Д.В.Коновпен кездесуі өтті, онда мұнай-газ-химия жобалары бойынша ынтымақтастықты дамыту мәселелері талқыланды. Атап айтқанда, қуаты жылына 500 мың тонна полипропилен өндіретін зауыт құрылысының барысы, сондай-ақ қуаты жылына 1,25 млн.тонна полиэтилен өндіру жобасы бойынша жобалау сатысына көшу жоспарлары талқыланды.

Қазақстан Республикасының Энергетика министрі Б. Ақшолақов полипропилен өндіретін зауыттың құрылысы толық аяқталғанын және бүгінде іске қосу-жөндеу жұмыстары жүргізіліп жатқанын атап өтті. Ағымдағы жылдың сәуір айында зауытты одан әрі пайдалануға бере отырып, пайдалану және демонстрациялық іске қосу жоспарлануда.

«Сибур Холдинг» ЖАҚ Басқарма Төрағасы Д.В.Конов өз кезегінде осы жылдың сәуір айының соңына дейін полипропилен және полиэтилен өндіру жобаларына кіру бойынша тиісті құжаттарға қол қойылатынын хабарлады. Сонымен қатар, Қашаған кен орнының шикізат базасында газ өңдеу саласындағы жобаларды бірлесіп іске асыруға қызығушылық танытқанын да атап өтті.

• 23.02.2022
• 223