Алматы қаласының жастары мемлекеттік жастар саясатын жүзеге асырудың жаңа тәсілдерін талқылады

2022 жылғы 23 ақпанда Алматы қаласында жастар ұйымдары, Жастар ресурстық орталықтары өкілдерінің, жастар көшбасшылары мен белсенділерінің, сондай-ақ әлеуметтік осал жастар мен NEET санатындағы жастардың қатысуымен «Қазақстан Республикасының кейбір заңнамалық актілеріне мемлекеттік жастар саясаты мәселелері бойынша өзгерістер мен толықтырулар енгізу туралы» Қазақстан Республикасы Заңының жобасының тұсаукесері өтті.

Кездесуге заң жобасы бойынша жұмыс тобының жетекшісі,                                 ҚР Парламенті Мәжілісінің депутаты Елнұр Бейсенбаев және жастар және отбасы істері комитетінің төрағасы Шахмардан Байманов қатысты.

Алматы қаласының жастары заң жобасы және басқа да мемлекеттік қолдау шаралары аясында жастар кәсіпкерлігін дамыту, жас отбасыларды қолдау, шығармашылық және креативті индустрияны дамыту үшін жағдай жасау мәселелерін қарауды ұсынды, жастардың жасын 35 жасқа дейін ұлғайту, сондай-ақ басқарушылық шешімдер қабылдау процестерінің ашықтығын арттыру, қоғамдық ұйымдар мен тәуелсіз сарапшыларды әлеуметтік-экономикалық реформаларды талқылауға тарту қажеттігін атап өтті.

Атап айтқанда, «Қазақстанның жастар ақпараттық қызметі» қоғамдық қорының жетекшісі Ирина Медникова жұмыс істейтін жастарға назар аударуды ұсынды.

Атап айтқанда, "Қазақстанның жастар ақпараттық қызметі" қоғамдық қорының жетекшісі Ирина Медникова мемлекеттік жастар саясатын іске асыруда, әсіресе жастар үшін тұрғын үйдің қолжетімділігі мәселелерін шешуде жаңа тәсілдерді енгізуді ұсынды.

Медицина студенттері қауымдастығының өкілі Жәнібек Сұлтанай жастардың жасын 35 жасқа дейін ұлғайтуды ұсынды, себебі Медицина Жастары орта есеппен 27-28 жасқа дейін оқиды және негізгі табыс шәкіртақы болып табылады, ол ипотекалық несиелеудің жеңілдікті бағдарламаларына қатысуға мүмкіндік бермейді.

Алмалы аудандық Жастар ресурстық орталығының үйлестірушісі Бауыржан Маханбет жастар арасында қаржылық сауаттылықты дамытуды, сондай-ақ Алматы мектептеріне ЖОО студенттерінің факультативтерін, пайдалы курстарын енгізуді ұсынды.

Қазіргі уақытта ҚР Парламенті Мәжілісінде заң жобасы бойынша жұмыс тобы жұмыс істейді, оның шеңберінде жастар мемлекеттік жастар саясаты туралы заңнаманы жетілдіру бойынша ұсыныстар енгізе алады.

• 24.02.2022
• 242